Brahmastra Nagarjuna Look : ‘अंधकार भी थर थर कांपे’, ‘ब्रह्मास्त्र’ चित्रपटातील नागार्जुनचा जबरदस्त लूक पाहिलात का?

Brahmastra Nagarjuna Look : 'ब्रह्मास्त्र' मधील सुपरस्टार नागार्जुनचा लूक नुकताच शेअर करण्यात आला असून, ही झलक पाहून चित्रपटात नक्कीच काहीतरी जबरदस्त पाहायला मिळणार आहे, असा अंदाज चाहते बांधत आहेत.

Nagarjun Akkineni

Brahmastra Nagarjuna Look : बॉलिवूड अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) यांचा आगामी चित्रपट 'ब्रह्मास्त्र' (Brahmastra) रिलीज होण्यापूर्वीच प्रचंड चर्चेत आहे. निर्माते सोशल मीडियावर चित्रपटाच्या स्टारकास्टचा फर्स्ट लूक शेअर करत आहेत. नुकताच अमिताभ बच्चन यांचा लूक समोर आला होता. आता निर्माता करण जोहरने या चित्रपटातील नागार्जुनचा (Nagarjun Akkineni) फर्स्ट लूक शेअर केला आहे. या चित्रपटात नागार्जुन एका जबरदस्त लूकमध्ये दिसला आहे. या चित्रपटातून नागार्जुन पुन्हा एकदा हिंदी चित्रपटात दिसणार आहे.

'ब्रह्मास्त्र' मधील सुपरस्टार नागार्जुनचा लूक नुकताच शेअर करण्यात आला असून, ही झलक पाहून चित्रपटात नक्कीच काहीतरी जबरदस्त पाहायला मिळणार आहे, असा अंदाज चाहते बांधत आहेत. नागार्जुन मोठ्या गॅपनंतर हिंदी चित्रपटाचा भाग बनणार आहेत.

पाहा पोस्टर :

अयान मुखर्जीने 'ब्रम्हास्त्र' चित्रपटाच्या दिग्दर्शनाची धुरा सांभाळली आहे. तर, करण जोहरने या चित्रपटाची निर्मिती केली आहे. आलिया-रणबीर व्यतिरिक्त अमिताभ बच्चन (Amitabh Bachchan), मौनी रॉय (Mouni Roy), अक्किनेनी नागार्जुन (Nagarjun Akkineni) या चित्रपटात महत्त्वाच्या भूमिकेत दिसणार आहेत. हा चित्रपट 9  सप्टेंबर 2022 प्रेक्षकांच्या भेटीला येणार आहे.

'ब्रह्मास्त्र'मध्ये होणार धमाका!

'ब्रह्मास्त्र' हा तीन भागांचा फँटसी चित्रपट आहे, ज्यामध्ये रणबीर ‘शिवा’च्या मुख्य भूमिकेत दिसणार आहे. तर, आलिया भट्ट ‘ईशा’च्या भूमिकेत आहे, जी त्याची मैत्रीण आहे. अमिताभ बच्चन हे प्रोफेसर ‘अरविंद चतुर्वेदी’ आहेत आणि नागार्जुन पुरातत्वशास्त्रज्ञ झाले आहेत, त्यांचे नाव ‘अजय वशिष्ठ’ आहे. मौनीच्या पात्राचे नाव ‘दमयंती’ आहे. हा चित्रपट 9 सप्टेंबरला रिलीज होणार आहे. अयान आणि त्याच्या टीमने 'ब्रह्मास्त्र' बनवण्यात अर्ध्या दशकाहून अधिक वेळ घालवला आहे.

‘ब्रह्मास्त्र’ या चित्रपटाची घोषणा ऑक्टोबर 2017मध्ये झाली होती. त्यानंतर फेब्रुवारी 2018मध्ये त्याचे शूटिंग सुरू झाले. याआधी जून आणि नंतर सप्टेंबर 2019 मध्ये या चित्रपटाचे शूटिंग वाराणसीमध्ये झाले होते. या चित्रपटाद्वारे आलिया भट्ट आणि रणबीर कपूर पहिल्यांदाच पडद्यावर एकत्र दिसणार आहेत.

हेही वाचा :