Boyz 3 : मराठीचा माज बेळगावात नाही तर मग कुठे करायचा?...; 'बॉईज 3' सिनेमाचा ट्रेलर आऊट

Boyz 3 : 'बॉईज 3' या सिनेमाचा ट्रेलर प्रेक्षकांच्या भेटीला आला आहे.

Boyz 3

Boyz 3 Movie Trailer Out : बॉईज सिरीजने सर्वांचच भरपूर मनोरंजन केले आहे. धैर्य, ढुंग्या आणि कबीर या त्रिकूटाला प्रेक्षकांचं भरभरून प्रेम मिळालं. 'बॉईज' आणि 'बॉईज 2' ने बॉक्स ऑफिसवर अक्षरशः दंगा घातल्यानंतर 'बॉईज 3' (Boyz 3) काय नवीन हंगामा घेऊन येणार याकडे प्रेक्षक आतुरतेने वाट पाहात आहेत. नुकताच 'बॉईज 3' या सिनेमाचा  ट्रेलर प्रदर्शित करण्यात आला आहे. 

'बॉईज 3' सिनेमाचा ट्रेलर पाहून हे त्रिकूट आणि विदुला करत असलेल्या प्रवासाची झलक प्रेक्षकांना पाहायला मिळाली आहे. लुंगीतलं हे कमाल त्रिकूट दक्षिण दिशेला करत असलेल्या प्रवासाची गोष्ट सिनेमात दाखवण्यात आली आहे. त्यांच्या या प्रवासात आलेलं विदुला नावाचे वळण कोणत्या ठिकाणी या तिघांना घेऊन जाणार ते सिनेमा पहिल्या नंतरच प्रेक्षकांना कळणार आहे. 

विदुलाचा कमाल अंदाज ,सुमंत शिंदे ,पार्थ भालेराव, प्रतीक लाड यांच्या उत्कृष्ट अभिनयाने रंगलेला 'बॉईज 3' हा सिनेमा येत्या 16 सप्टेंबर रोजी प्रेक्षकांच्या भेटीला येत आहे. सिनेमातील 'लग्नाळू 2.0' गाणं प्रेक्षकांना भरपूर आवडलं असून विदुलाची वेगळीच छबी या सिनेमाच्या माध्यमातून प्रेक्षकांच्या समोर आली आहे. 

मैत्रीमध्ये एकमेकांना अडचणीत टाकणं असो किंवा त्याच अडचणीतून त्यांना बाहेर काढण्यासाठीची मदत असो मित्र नेहमीच हाजीर असतात. मैत्रीची व्याख्या नव्या अंदाजात या सिनेमात प्रेक्षकांना पाहायला मिळणार आहे. धैर्य, ढुंग्या आणि कबीर यांच्यातील मैत्री खरंच खूप धमाल असणार याचा ट्रेलरवरून अंदाज आला आहे. ‘मराठीचा माज बेळगावात नाही तर मग कुठे करायचा?, ‘तुम्हाला तुमच्या भाषेचा माज दाखवता येतो तर आम्हाला आमच्या भाषेची लाज राखता येते. ट्रेलरमधील हे संवाद प्रेक्षकांचं मन जिंकून घेतात.

'बॉईज 3' या सिनेमाच्या ट्रेलरसंदर्भात अवधूत गुप्ते म्हणाला, 'बॉईज 3' या सिनेमाचा ट्रेलर पाहून या सिनेमासाठीची  प्रेक्षकांची वाढती उत्सुकता पाहून खूप भारी वाटत आहे. सर्वच 'बॉईज 3' च्या टीमने खूप मेहनत घेतलेली आहे. प्रेक्षकांच्या अपेक्षांवर हा सिनेमा खरा उतरेल याची मला खात्री आहे." 

दिग्दर्शक विशाल देवरुखकर म्हणाला,'बॉईज' आणि 'बॉईज 2' ला मिळालेल तुफान प्रतिसाद पाहता मनोरंजनात भर म्हणून यंदा 'बॉईज 3' तुमच्या भेटीला घेऊन येत आहोत. या सिनेमाचा ट्रेलर नुकताच प्रदर्शित झाला असून सर्वच कलाकारांनी आपापली भूमिका चोख बजावली आहे. 16 सप्टेंबर ला हा सिनेमा प्रदर्शित होणार आहे". 

सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत 'बॉईज 3' चे दिग्दर्शन विशाल देवरुखकरनं केलं असून लालासाहेब शिंदे, राजेंद्र शिंदे, संजय छाब्रिया यांनी या सिनेमाची निर्मिती केली आहे. येत्या 16 सप्टेंबर रोजी 'बॅाईज 3' सिनेमागृहात प्रदर्शित होत आहे.

ट्रेलर पाहा : 

संबंधित बातम्या