Boman Irani : बोमन ईरानी करणार ओटीटी प्लॅटफॉर्मवर पदार्पण; 17 जूनला प्रदर्शित होणार 'मासूम'

Boman Irani : बोमन ईरानीची 'मासूम' ही वेबसीरिज 17 जूनला प्रेक्षकांच्या भेटीला येणार आहे.

Boman Irani

Boman Irani : बॉलिवूड अभिनेता बोमन ईरानी (Boman Irani) आता ओटीटी प्लॅटफॉर्मवर पदार्पण करण्यासाठी सज्ज आहे. बोमन ईरानीची 'मासूम' (Masoom) ही वेबसीरिज लवकरच प्रेक्षकांच्या भेटीला येणार आहे. 17 जूनला ही वेबसीरिज डिज्नी प्लस हॉटस्टारवर प्रदर्शित होणार आहे. 

'मासूम' ही वेबसीरिज पंजाबमधील फलौली येथील कपूर कुटुंबाच्या जीवनातील अकथित सत्ये उलगडून दाखवणार आहे. सहा भागांची ही वेबसीरिज 17 जून रोजी प्रदर्शित होणार आहे. बोमन इराणीसह नव्या दमाची अभिनेत्री समारा तिजोरीदेखील दिसणार आहे. वडील आणि मुलीमधल्या गुंतागुंतीच्या नात्याची झलक या वेबसीरिजच्या माध्यमातून प्रेक्षकांना पाहायला मिळणार आहे. 

'मासूम' या वेबसीरिजच्या दिग्दर्शनाची धुरा मिहीर देसाईने सांभाळली होती. सत्य घटनांवर आधारित ही वेब सीरिज आहे. या वेबसीरिज संदर्भात बोमन इराणी म्हणाले, मी डिज्नी प्लस हॉटस्टारवरील 'मासूम' या वेबसीरिजच्या माध्यमातून ओटीटी प्लॅटफॉर्मवर पदार्पण करत आहे. ही सीरिज ही एक खिडकी आहे, जी माझ्यासाठी नवीन जग उघडणार असून मला मोठ्या प्रेक्षक वर्गापर्यंत पोहोचवणार आहे. माझी रील लाइफ मुलगी समारा हिच्यासोबत तिच्या वडिलांची भूमिका करणे खूप आव्हानात्मक होते कारण ती खूप तीव्र आणि हिंमतबाज मुलगी आहे. समारासारख्या ताज्या प्रतिभेच्या आणि अत्यंत हुशार कलाकारासोबत काम करण्याचा अनुभव उत्तम होता. एका तरुण अभिनेत्याचा अभिनय साकारताना प्रत्यक्ष पाहणे, माझ्यासाठी आनंददायक होते आणि त्यामुळे मलादेखील प्रगल्भ होण्यास मदत झाली."

दिग्दर्शक मिहीर देसाई म्हणाले, "मुलीचा सत्य जाणून घेण्याचा प्रयत्न. जेव्हा तिचे संपूर्ण कुटुंब सत्य लपविण्याचा प्रयत्न करते तेथूनच मासूमची कहाणी सुरू होते. तिच्या आईचे अकाली निधन हे कौटुंबिक रहस्ये उलगडण्यासाठी उत्प्रेरक ठरते.  बोमन इराणी आणि समरा तिजोरी यांच्यासोबत काम करताना मला आनंद झाला जे या मालिकेत वडील-मुलीचे हृदयस्पर्शी नाते चित्रित करतात.”

संबंधित बातम्या