Masoom Trailer : बोमन ईरानीची 'मासूम' सीरिज 17 जूनला येणार प्रेक्षकांच्या भेटीला, ट्रेलर रिलीज

Masoom Trailer : 'मासूम' या वेबसीरिजचा ट्रेलर नुकताच प्रेक्षकांच्या भेटीला आला आहे.

मासूम

Masoom Trailer : बॉलिवूड अभिनेता बोमन ईरानी (Boman Irani) सध्या चर्चेत आहे. बोमन ईरानीची 'मासूम' (Masoom) ही वेबसीरिज लवकरच प्रेक्षकांच्या भेटीला येणार आहे. नुकताच या वेबसीरिजचा ट्रेलर रिलीज झाला आहे. 17 जूनला ही सीरिज प्रेक्षकांच्या भेटीला येणार आहे. सत्य घटनांवर आधारित ही सीरिज सहा भागांची आहे.

'मासूम' या वेबसीरिज संदर्भात बोमन म्हणाला, 'मासूम' सारख्या वेबसीरिजच्या माध्यमातून मी बॉलिवूडमध्ये पदार्पण करत आहे. ही सीरिज डिज्नी प्लस हॉटस्टार या ओटीटी प्लॅटफॉर्मवर प्रदर्शित होणार आहे. ही सीरिज माझ्या करिअरमध्ये खूप महत्त्वाची आहे. 

बोमन ईरानीसोबत 'मासूम'मध्ये समारा तिजोरीदेखील दिसणार आहे. समारा म्हणाली,  'मासूम'मध्ये मी एका तरुण मुलीच्या भूमिकेत दिसणार आहे. मी बोमन ईरानीसोबत स्क्रीन शेअर करत असल्याने मला खूप आनंद होत आहे. एका कलाकार आणि व्यक्ति म्हणूनदेखील मी समृद्ध झाले आहे. प्रेक्षकांना ही वेबसीरिज नक्कीच आवडेल असा मला विश्वास आहे. मिहिर देसाई यांनी 'मासूम' या वेबसीरिजच्या दिग्दर्शनाची धुरा सांभाळली आहे. 

बोमन ईरानीचा 'जयेशभाई जोरदार'ने बॉक्स ऑफिसवर घातला धुमाकूळ

बॉलिवूडमधील प्रसिद्ध अभिनेता रणवीर सिंहच्या 'जयेशभाई जोरदार'ने बॉक्स ऑफिसवर चांगलीच कमाई केली आहे. जयेशभाई जोरदार या सिनेमात रणबीरनं  जयेशभाई ही भूमिका साकारली असून अभिनेता बोमन इराणी यांनी एका गावाच्या सरपंचाची  भूमिका साकारली आहे. अभिनेत्री शालिनी पांडेनं जयेशभाईच्या पत्नीची भूमिका या चित्रपटामध्ये साकारली आहे. तसेच रत्ना पाठक आणि दीक्षा जोशी हे कलाकार देखील या चित्रपटामध्ये महत्वाच्या भूमिकेत दिसणार आहेत. हा सिनेमा 13 मे ला प्रेक्षकांच्या भेटीला आला होता.

संबंधित बातम्या