Sherlyn Chopra : बॉलिवूड अभिनेत्री शर्लिन चोप्राकडून साजिद खान विरोधात लैंगिक छळाची तक्रार
Sherlyn Chopra Complaint Against Sajid Khan : बॉलिवूड अभिनेत्री शर्लिन चोप्राकडून साजिद खान विरोधात लैंगिक छळाची तक्रार दाखल केली आहे.
Sherlyn Chopra Complaint Against Sajid Khan : बॉलिवूड अभिनेत्री शर्लिन चोप्रा (Sherlyn Chopra) हिनं दिग्दर्शक साजिद खान (Sajid Khan) यांच्या विरोधात लैंगिक छळाची तक्रार दाखल केली आहे. शनिवारी रात्री जुहू पोलीस ठाण्यात (Juhu Police Station) शर्लिननं तक्रार दाखल केली. साजिद खानला लवकरात लवकर पोलीस जवाब नोंदवण्यासाठी बोलावतील अशी प्रतिक्रिया देखील शर्लीननं दिली आहे.
शर्लिन चोप्रानं जुहू पोलिसांत साजिद खानविरोधात तक्रार दाखल केली आहे. शर्लिनचा जुहू पोलिसांनी काल संध्याकाळी जबाब नोंदवला आहे. त्यावेळी शर्लिननं माध्यमांशी संवाद साधला. ती म्हणाली की, महिला पोलीस अधिकाऱ्यांनी माझं स्टेटमेंट रेकॉर्ड केलं आहे. तसेच, पोलिसांनी आश्वासन दिलंय की, ते साजिद खानला लवकरात लवकर बिग बॉसच्या घरातून बोलवून त्याचा जबाब नोंदवणार आहेत. दरम्यान, दिग्दर्शक साजित खान बिग बॉस सीझन 16 मधील स्पर्धक आहे.
"जुहू पोलिसांनी या प्रकरणात लक्ष घालून आरोपीला शिक्षा करावी. मग आरोपी कोणीही असो, तो फराह खानचा भाऊ असो किंवा सलमान खानचा लाडका असो. आज आरोपी बिग बॉसच्या घरात बसून आराम करतोय. मला न्याय हवाय. त्यासाठीच मी पोलिसांकडे आले आहे. त्यामुळे पोलिसांनी लवकरात लवकर कायदेशीर कारवाई करावी आणि योग्य तो तपास करुन आरोपी साजिद खानला अटक करावी."
शर्लिननं बोलताना बॉलिवूडचा दबंग अभिनेता आणि बिग बॉसचा होस्ट सलमान खानला (Salman Khan) आवाहन देखील केलं आहे. शर्लिन म्हणाली की, सलमान खान यांना मी भाईजान बोलते, म्हणजे मी त्यांच्या बहिणी सारखीच आहे. त्यांनी माझी मदत करावी. मी सलमान खान यांच्या घराबाहेर शंतीपूर्वक आंदोलन करणार असल्याचंही शर्लिननं यावेळी सांगितलं.
दरम्यान, साजिद खान 2018 सालापासून वादात सापडला आहे. #MeToo मोहीम सुरू होती, ज्यामध्ये अनेक अभिनेत्रींनी त्यांना झालेल्या लैंगिक छळाचा खुलासा केला होता. दरम्यान, अनेक अभिनेत्रींनी साजिद खानवर लैंगिक छळाचे आरोप केले होते. अलीकडेच राणी चॅटर्जीनेही साजिदवर गंभीर आरोप केले आहेत. यामुळे साजिदला वर्षभर इंडस्ट्रीत काम न करण्याचे आदेश देण्यात आले होते. दरम्यान, साजिद खान शोमध्ये कायम असून शोच्या निर्मात्याने किंवा सलमान खाननंही त्याच्याविरोधात काहीही बोललं नाही. अलीकडेच साजिदने 'बिग बॉस 16' मधून काम करायला सुरुवात केली. पण अनेक लोक त्याविरोधात आवाज उठवत आहेत.
महत्वाच्या बातम्या :
महत्त्वाच्या बातम्या
