Sonu Sood | सोनू सूदला कोरोनाची लागण, म्हणाला- कोरोना पॉझिटिव्ह आणि मूड सुपर पॉझिटिव्ह
Sonu Sood Corona Positive: अभिनेता सोनू सूदला कोरोनाची लागण झाली आहे. त्याने सोशल मीडियाच्या माध्यमातून ही माहिती दिली आहे.
मुंबई : बॉलिवूडच्या कोरोना पॉझिटिव्ह कलाकारांच्या यादीत आता अभिनेता सोनू सूदचाही समावेश झाला आहे. आपल्याला कोरोनाची लागण झाल्याची माहिती त्याने स्वत: सोशल मीडियाच्या माध्यमातून दिली आहे. सोनू सूदने सांगितले की आपला कोरोना अहवाल पॉझिटिव्ह आला आहे पण मूड मात्र सुपर पॉझिटिव्ह आहे. यावरुन सोनू सूद किती सकारात्मक आहे याचा अंदाज येतोय.
सोनू सूदने आपल्या सोशल मीडियाच्या माध्यमातून ही माहिती देताना सांगितलं की, "मी आपल्या सर्वांना सांगू इच्छितो की माझा कोरोना अहवाल पॉझिटिव्ह आला आहे. त्यामुळे मी स्वत:ला क्वॉरन्टाईन केलं आहे. काळजी करण्यासारखं काही नाही, उलट लोकांच्या अडचणी सोडवण्यासाठी माझ्याकडे आता पहिल्यापेक्षा जास्त वेळ आहे. लक्षात ठेवा, कोणतीही अडचण असो... मी नेहमी तुमच्या सोबत आहे."
View this post on Instagram
सोनू सूद कोरोना पॉझिटिव्ह आल्यानंतर तो यातून लवकर बरा व्हावा यासाठी अनेकांनी प्रार्थना केल्या आहेत. कोरोना लॉकडाऊनच्या काळात अभिनेता सोनू सूदने गरजूंना त्यांच्या घरी जाण्यासाठी मदत केली होती. त्यानंतरच्या काळातही त्याने अनेकांना आर्थिक रुपात मदत केली आहे.
बॉलिवूडला कोरोनाचा विळखा बसत असून अनेक जण कोरोना पॉझिटिव्ह आले आहेत. बॉलिवूडमध्ये आतापर्यंत अक्षय कुमार, आमीर खान, विकी कौशल, कॅटरिना कैफ, गोविंदा, आदित्य नारायण, आर माधवन, संजय लिला भन्साळी, गायक बप्पी लहिरी, भूमी पेडणेकर, कॉमेडियन कुनाल कामरा याच्यासह अनेकांना कोरोनाची लागण झाली आहे. नुकतंच आलिया भट्टने आपला कोरोना अहवाल निगेटिव्ह आल्याचं सांगितलंय.
महत्वाच्या बातम्या :
महत्त्वाच्या बातम्या
ट्रेंडिंग न्यूज
