Aayan Khan ड्रग्ज प्रकरणानंतर Shahrukh Khan करणार कमबॅक, शूटिंग सुरू करण्याची केली विनंती

Shah Rukh Khan Back : शाहरुख खान आता शूटिंगला सुरुवात करणार आहे. शूटिंग सुरू करण्याची शाहरुखने दिग्दर्शकांना खास विनंती केली आहे.

शाहरुख

Shah Rukh Khan Back : आर्यन खान (Aryan Khan) प्रकरणानंतर शाहरुख खान आता शूटिंगला सुरुवात करणार आहे. शाहरुखने (Shahrukh khan) दिग्दर्शकांकडे शूटिंग सुरू करण्याची खास विनंती केली आहे. आर्यन अटकेत असल्यामुळे शाहरुखने सिनेमाच्या शूटिंगच्या तारखा पुढे ढकलल्या होत्या. पण आता आर्यन घरी आल्यामुळे शाहरुख शूटिंगला सुरूवात करत आहे. कमबॅक करत असताना शाहरुखने भारताबाहेरील शूटिंगला प्राधान्य दिले आहे. तसेच शूटिंगचे वेळापत्रक लहान-लहान भागांत करण्याची शाहरुखने अट घातली आहे. 

शाहरुखसाठी सध्या आर्यनची सुरक्षितता महत्तवाची आहे. त्यामुळेच तो घरापासून दूर जास्त काळ राहू इच्छित नाही. शाहरुखला कुटुंबियांसोबत वेळ घालवता यावा यासाठी त्याने शूटिंगचे वेळापत्रक लहान-लहान भागांत करण्याची विनंती केली आहे. 

शाहरुख आर्यनसाठी सुरक्षारक्षकाचादेखील शोध घेत आहे. शाहरुखने त्याचा वैयक्तिक सुरक्षारक्षक रवी सिंह आणि त्याच्या कुटुंबियांना मन्नतवर आर्यनसोबत राहण्यास सांगितले आहे. दरम्यान शाहरुख नवीन सुरक्षारक्षकाच्या शोधात आहे. 

आर्यन खानला 29 ऑक्टोबरला मुंबई उच्च न्यायालयाकडून जामीन मिळाला होता. एनसीबीच्या अधिकाऱ्यांनी आर्यनला 3 ऑक्टोबर रोजी ताब्यात घेतले होते. आर्यनची तुरुंगातून सुटका झाल्यापासून शाहरुख आर्यन आणि कुटुंबियांसोबत वेळ घालवत आहे.  

नुकतेच आर्यन खानने 24 व्या वर्षात पदार्पण केले आहे. शाहरुख खान नेहमी आर्यनचा वाढदिवस धुमधडाक्यात साजरा करत असतो. आर्यनच्या प्रत्येक वाढदिवसाचा माहोल वेगळा असतो. ग्रॅंड सेलिब्रेशनमध्ये आर्यनचा वाढदिवस साजरा होत असायचा. पण आर्यनचा हा 24 वा वाढदिवस अगदी साध्या पद्धतीने साजरा झाला. आर्यनने हा वाढदिवस त्याच्या कुटुंबियांसोबत साजरा करण्याचे नियोजन शाहरुखने केले होते. 

शाहरुखचे आगामी सिनेमे
शाहरुख 'जीरो' सिनेमात शेवटचा दिसला होता. या सिनेमाचे दिग्दर्शन आनंद एल राय यांनी केले होते. या सिनेमाला लोकप्रियतेचे शिखर गाठता आले नव्हते. शाहरुख  लवकरच सिद्धर्थ आनंदच्या 'पठान' सिनेमात दिसून येणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha