झेंडा, मोरयानंतर अवधुत गुप्तेंचा दहीहंडीच्या मुहूर्तावर'कान्हा'

मुंबईः 'झेंडा' आणि 'मोरया' हे सुपरहिट सिनेमे दिल्यानंतर दिग्दर्शक अवधुत गुप्तेंचा 'कान्हा' हा नवा सिनेमा दहीहंडीच्या मुहूर्तावर प्रेक्षकांच्या भेटीला येत आहे. दहीहंडीचे थर लावण्याची शानदार कथा या सिनेमातून पाहायला मिळणार आहे. तसंच रोमँटीक प्रेमकहाणी देखील या सिनेमात असणार आहे.     अभिनेता वैभव तत्ववादी आणि गश्मीर महाजनी या सिनेमात मुख्य भूमिकेत आहेत. 'स्वप्नांच्या पलिकडले' या मालिकेतील वैदेही म्हणजेच गौरी नलावडे अभिनेत्रीच्या भूमिकेत दिसणार आहे. या सिनेमाची निर्मिती प्रताप सरनाईक यांनी केली आहे. हा सिनेमा 26 ऑगस्ट रोजी रिलीज होणार आहे.     दहीहंडीची तयारी सध्या सर्वत्र सुरु झाली आहे. त्यातच अवधुत गुप्तेंच्या या सिनेमाने उत्सुकता अजून वाढवली आहे. ट्रेलरमध्ये गश्मीर महाजनी आणि वैभव तत्ववादीचा जबरदस्त अभिनय पाहायला मिळत आहे. तर गौरी नलावडे देखील हटके भूमिकेत आहे.   पाहा ट्रेलरः