एक्स्प्लोर

Atrangi Re Trailer : Akshay Kumar च्या 'अतरंगी रे' सिनेमाचा ट्रेलर प्रदर्शित

Atrangi Re Trailer Is Out : अक्षय कुमार, सारा अली खान आणि धनुषच्या आगामी 'अतरंगी रे' सिनेमाचा ट्रेलर प्रदर्शित झाला आहे.

By : एबीपी माझा वेबटीम | Edited By: मंजिरी पोखरकर | Updated at : 24 Nov 2021 06:21 PM (IST)

अतरंगी_रे

Atrangi Re Trailer Is Out : सारा अली खान (Sara Ali Khan), अक्षय कुमार (Akshay Kumar) आणि धनुषचा (Dhanush) आगामी 'अतरंगी रे' सिनेमाचा ट्रेलर प्रेक्षकांच्या भेटीला आला आहे. ट्रेलरची सुरूवात धनुषच्या एन्ट्रीने होते. ट्रेलरच्या सुरुवातीलच दिसते आहे,
साराचे पालक तिचे बळजबरीने लग्न लावत आहेत. त्यासाठी ते धनुषला घेऊन येतात. ट्रेलरमधील धनुषचा तेलुगु टच प्रभावी दिसत आहे.

सिनेमातील साराचे डायलॉग्सदेखील जबरदस्त आहेत. ट्रेलरमध्ये अक्षय कुमारची एन्ट्री अनोख्या अंदाजात दाखवण्यात आली आहे. धनुष आणि साराचे लग्न होते. त्यानंतर ते दिल्लीला रवाना होतात. दिल्लीत सारा तिच्या प्रियकरासोबत राहण्याचं ठरवते, असे या सिनेमाचे कथानक असणार आहे. सिनेमातील संगीतदेखील हटके आहे.

'अतरंगी रे' सिनेमाचे दिग्दर्शन आनंद एल रायने केले आहे. तर हिंमाशु शर्माने या सिनेमाचे लेखन केले आहे. या सिनेमाचा ट्रेलर 24 डिसेंबरला डिज्नी हॉटस्टारवर प्रदर्शित होणार आहे. हा सिनेमा ओटीटी प्लॅटफॉर्मवर प्रदर्शित होणार असल्याने प्रेक्षक सिनेमाची प्रतीक्षा करत आहेत. दाक्षिणात्य सुपरस्टार धनुष अनेक दिवसांनी हिंदी सिनेमात दिसणार आहे. सारा अली खान आणि धनुषची जोडी प्रेक्षकांच्या पसंतीस पडली आहे.

सारा अली खानने अक्षय कुमारच्या पात्राचा इंस्टाग्रामवर परिचय करून देत लिहिले आहे, "अतरंगी रे सिनेमात अक्षय कुमार अनोख्या अंदाजात एन्ट्री करणार आहे. मिस्टर अक्षय कुमारला भेटण्यासाठी तयार राहा".

संबंधित बातम्या