Arjun On Ranveer Photoshoot: ‘त्याचं फोटोशूट, त्याची मर्जी’, रणवीर सिंहच्या न्यूड फूटशूटवर अर्जुन कपूरची प्रतिक्रिया

Arjun On Ranveer Photoshoot: बॉलिवूड अभिनेता रणवीर सिंह (Ranveer Singh) याने न्यूड फोटोशूट करत इंटरनेटवर चांगलाच गदारोळ माजवला होता.

Ranveer Singh

Arjun On Ranveer Photoshoot: बॉलिवूड अभिनेता रणवीर सिंह (Ranveer Singh) याने न्यूड फोटोशूट करत इंटरनेटवर चांगलाच गदारोळ माजवला होता. रणवीर सिंहने 'पेपर' मासिकासाठी न्यूड फोटोशूट केले आहे. रणवीरचे हे फोटो सोशल मीडियावर प्रचंड व्हायरल होत आहेत. या फोटोंमुळे रणवीर सिंह चर्चेत आला आहे. रणवीरचे हे फोटो पाहून काही लोकांनी त्याच्या धाडसाचे कौतुक केले आहे. तर, काहींनी त्याला खूप ट्रोल देखील केले आणि त्याच्यावर बरेच मीम्स देखील बनवले आहेत. आता रणवीरला पाठिंबा देणाऱ्यांमध्ये अभिनेत्यांच्या यादीत अर्जुन कपूरच्या (Arjun Kapoor) नावाचाही समावेश झाला आहे.

अभिनेता अर्जुन कपूर सध्या त्याच्या आगामी ‘एक व्हिलन रिटर्न्स’च्या प्रमोशनमध्ये व्यस्त आहे. यावेळी दिलेल्या एका मुलाखतीत त्याने रणवीर सिंहच्या न्यूड फोटोशूटवर प्रतिक्रिया दिली आहे. अर्जुन आणि रणवीर एकमेकांचे खूप चांगले मित्र आहेत. त्याने एकत्र ‘गुंडे’ या चित्रपटात कामही केले होते.

काय म्हणाला अर्जुन कपूर?

यावेळी अर्जुन कपूरला विचारण्यात आले की, काही लोक रणवीरच्या न्यूड फोटोंसाठी त्याच्या धाडसाचे कौतुक करत आहेत आणि काही लोक त्याला खूप ट्रोल देखील करत आहेत, तर यावर तुझं काय मत आहे? या प्रश्नाला उत्तर देताना अर्जुन म्हणाला, ‘मला वाटते, ज्याला जशी हवी, तशी जगण्याची संधी दिली पाहिजे. मला वाटत नाही की, रणवीर सिंह कधीच त्याच्यावर लादल्या गेलेल्या गोष्टी करत असेल. तो कधीही कोणतेही ढोंग करत नाहीत. गेल्या अनेक वर्षांपासून आपण त्याला बघतो आहोत. तो जिथे जातो, तिथले वातावर बदलून जाते, उत्साही होते. हा त्याच्या स्वभावाचा एक भाग आहे.

‘न्यूड फोटोशूट करणं ही त्याची मर्जी होती. हे त्याचं सोशल मीडिया आहे. त्याने कसं वागलं पाहिजे, हे तो ठरवेल. जर, असं धाडसी फोटोशूट करणं त्याला सोपं वाटतं, आपणही त्याच्या निर्णयाचा मान राखला पाहिजे.

रणवीरचं न्यूड फोटोशूट चर्चेत

अभिनेता रणवीर सिंहने Paper magazine website च्या मॅगझीनच्या कव्हरसाठी न्यूड फोटोशूट केलं आहे. रणवीर सिंहला अनेकदा आगळ्या वेगळ्या अथवा अतरंगी कपड्यात पाहिलं असेल. पण त्यानं नुकत्याच केलेल्या फोटोशूटने सोशल मीडियावर धुमाकूळ घातलाय. या फोटोमध्ये रणवीर कपड्याविना टर्किश गालीच्यावर विविध पोज देत आहे. त्याने वेगवेगळ्या पोज दिल्या आहेत. या पोज जो बर्ट रेनॉल्ड्सच्या कवरपासून प्रेरित आहेत. पेपर मॅगझीनला दिलेल्या मुलाखतीत रणवीरने त्याच्या चित्रपट आणि फॅशेनबाबत चर्चा केली आहे.

संबंधित बातम्या