Virat Kohli And Anushka Sharma : विरुष्कानं धुमधडाक्यात साजरा केला लग्नाचा वाढदिवस; शेअर केले खास फोटो
Anushka Sharma And Virat Kohli Wedding Anniversary: अनुष्का शर्मा आणि विराट कोहली यांनी नुकतेच सोशल मीडियावर त्यांच्या लग्नाच्या वाढदिवसाच्या सेलिब्रेशनचे फोटो शेअर केले आहेत.
Anushka Sharma And Virat Kohli Wedding Anniversary: बॉलिवूडमधील प्रसिद्ध अभिनेत्री अनुष्का शर्मा (Anushka Sharma) आणि क्रिकेटर विराट कोहली (Virat Kohli) यांच्या लग्नाला सहा वर्षे पूर्ण झाली आहेत. अनुष्का शर्मा आणि विराट कोहली यांनी नुकतेच सोशल मीडियावर त्यांच्या वेडिंग अॅनिव्हर्सरीच्या सेलिब्रेशनचे फोटो शेअर केले आहेत. या फोटोमध्ये विरुष्का हे केक कट करताना दिसत आहेत.
विरुष्काच्या लग्नाच्या वाढदिवसाचं जंगी सेलिब्रेशन (Anushka Sharma And Virat Kohli Wedding Anniversary Photo)
अनुष्का आणि विराट यांच्या लग्नाच्या वाढदिवसाला त्यांच्या मित्रमैत्रीणींनी हजेरी लावली होती. अनुष्कानं तिच्या लग्नाच्या वाढदिवसाच्या सेलिब्रेशनचे फोटो शेअर केले आहेत. या फोटोमध्ये विराट आणि अनुष्का हे केक कट करताना दिसत आहेत. विरुष्कानं त्यांच्या लग्नाच्या वाढदिवसाच्या पार्टीसाठी खास लूक केला होता. अनुष्कानं ब्लॅक आऊटफिट आणि मोकळे केस असा लूक केला होता. तर विराटनं ब्लू शर्ट आणि ब्लॅक पँट असा लूक केला होता.
View this post on Instagram
अनुष्कानं लग्नाच्या वाढदिवसाचा एक फोटो शेअर करुन कॅप्शनमध्ये लिहिलं, "प्रेमाने भरलेला दिवस... इन्स्टाग्रामवर फोटो पोस्ट करायला थोडा उशीर झाला." अनुष्कानं शेअर केलेल्या फोटोमध्ये ती विराटला मिठी मारताना दिसत आहे.अनुष्कानं शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.
View this post on Instagram
अनुष्का शर्मा आणि विराट कोहली यांनी 2018 मध्ये इटलीमध्ये लग्नगाठ बांधली. अनुष्कानं तिच्या लग्नात गुलाबी रंगाचा सब्यसाची डिझायनर लेहेंगा परिधान केला होता.लग्नानंतर अनुष्का आणि विराटनं दिल्ली आणि मुंबईत रिसेप्शनचे आयोजन केले होते. दिल्लीतील रिसेप्शनला पंतप्रधान नरेंद्र मोदी देखील उपस्थित होते. जानेवारी 2021 मध्ये अनुष्कानं मुलीला जन्म दिला. तिचे नाव वामिका (Vamika Kohli) असं आहे.
अनुष्का ही दुसऱ्यांदा आई होणार आहे, अशी चर्चा सोशल मीडियावर होत आहे. काही दिवसांपूर्वी मॅटर्निटी क्लिनिकच्या बाहेर विरुष्काला पापाराझींनी स्पॉट केले होते, पण तेव्हा दोघांनीही पापाराझींना फोटो लीक न करण्याची विनंती केली होती. आम्ही याबाबत लवकरच घोषणा करणार आहोत, असंही त्यांनी त्यावेळी सांगितले होतं.
वाचा इतर महत्वाच्या बातम्या:
महत्त्वाच्या बातम्या
