Ankita Lokhande - Vicky Jain Wedding : आली समीप लग्नघटीका, अंकिता आणि विकीच्या लग्नसोहळ्याला सुरुवात
Ankita Lokhande And Vicky Jain Wedding : अंकिता लोखंडे आणि विकी कौशलच्या लग्नसोहळ्यातले फोटो सोशल मीडियावर व्हायरल होत आहेत.
Ankita Lokhande - Vicky Jain Wedding : तुळशीच्या लग्नानंतर लग्नसोहळ्यांना सुरुवात होत असते. त्यामुळे सर्वत्र आता लग्नसोहळ्याचे वातावरण पाहायला मिळत आहेत. बॉलिवूडमध्येदेखील सध्या लग्नसोहळ्याचे चित्र पाहायला मिळत आहे. लवकरच 2021 संपणार आहे आणि 2022 सुरू होणार आहे. पण 2021 चा शेवट बॉलिवूड सेलिब्रिटींच्या लग्नसोहळ्यांनी होणार आहे. राजकुमार रावपासून कतरिना कैफ, अंकिता लोखंडेपर्यंत अनेक बड्या कलाकारांचा यात समावेश आहे.
अंकिता लोखंडेच्या लग्नाची चर्चा गेले अनेक दिवस सोशल मीडियावर होत आहे. मनोरंजन विश्वात सध्या लग्नाचा सीझन सुरू झाला आहे. अशातच अंकिता सात फेरे घेण्यासाठी सज्ज झाली आहे. अंकिता लोखंडेने सकाळी तिच्या अधिकृत इंस्टाग्राम अकाऊंटवर काही गोड फोटो शेअर केले आहेत. यावरून तिच्या लग्नाची तयारी सुरू झाल्याचे दिसून येते.
View this post on Instagram
अंकिताने आणि तिच्या प्रियकाराने आज त्यांच्या लग्नसोहळ्या दरम्यानचे फोटो सोशल मीडियावर शेअर केले आहेत. अंकिता आणि विकी जैनने शेअर केलेल्या फोटोंत त्यांचे नातेवाईकदेखील दिसत आहेत. अंकिताने गुलाबी सोनेरी बॉर्डर असलेली हिरव्या रंगाची साधी साडी नेसली आहे. मराठी परंपरेनुसार अंकिता आणि विकीने कपाळावर मुंडावळ्या बांधलेल्या आहेत. अंकिताने शेअर केलेल्या फोटोत ती विकीच्या मांडीवर बसलेली असून आनंदात दिसून येत आहे.
View this post on Instagram
विकी जैनने शेअर केलेल्या फोटोत तो अंकितासोबत डान्स करताना दिसत आहे. या फोटोमध्ये लव्हबर्ड्स हसताना दिसत आहेत. फोटोवर विकीने मराठीत कॅप्शन दिले आहे. विकीने लिहिले आहे,"मी आमच्यावर प्रेम करतो. पिक्चर तो अभी बाकी है मेरे दोस्त". मराठमोळ्या पद्धतीने दोघे लग्नबंधनात अडकणार आहेत. 'पवित्र रिश्ता' या छोट्या पडद्यावरील मालिकेमुळे अंकिता घराघरात पोहोचली होती. लवकरच या मालिकेचा दुसरा भाग येणार आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
