एक्स्प्लोर

Pushpa : 'पुष्पा'च्या यशात अमूलही सहभागी, शेअर केले अल्लू अर्जुनचे व्यंगचित्र

Pushpa : 'पुष्पा: द राइज' सिनेमाने बॉक्स ऑफिसवर 300 कोटींहून अधिक कमाई केली आहे.

By : एबीपी माझा वेब टीम | Edited By: मंजिरी पोखरकर | Updated at : 17 Jan 2022 07:13 PM (IST)

पुष्पा

Pushpa : अमूलच्या जाहिराती नेहमीच खास असतात. ते नेहमी ट्रेंडिंग विषयांच्या जाहिरातींचे पोस्टर बनवत असतात. त्यामुळे त्यांच्या जाहिराती गेल्या अनेक वर्षांपासून भारतीय प्रेक्षकांना आवडतात. आता अमूल अल्लू अर्जुनच्या 'पुष्पा' सिनेमाचे एक पोस्टर शेअर करत पुष्पा सिनेमाच्या यशात सहभागी झाले आहे. या पोस्टरमध्ये अल्लू अर्जुन, रश्मिका मंदाना आणि अमूल गर्ल अमूल बटर खाताना दिसत आहेत.

अमूलने सोशल मीडियावरदेखील अल्लू अर्जुनचे पोस्टर शेअर केले आहे. या पोस्टरवर प्रतिक्रिया देण्यापासून अल्लू अर्जुनदेखील स्वत:ला रोखू शकला नाही. व्यंगचित्र पाहून अल्लू अर्जुनदेखील खूश झाला आहे. त्याने लिहिले आहे,"अल्लू ते मल्लू ते अमुल्लू अर्जुन".

View this post on Instagram

A post shared by Amul - The Taste of India (@amul_india)

जगभरात कोरोनाचा प्रादुर्भाव वाढत आहे तरीदेखील पुष्पा सिनेमा कोट्यवधींची कमाई करतो आहे. सिनेमागृहात धुमाकूळ घातल्यानंतर 'पुष्पा' सिनेमा आता प्रेक्षकांना ओटीटी प्लॅटफॉर्मवर पाहता येणार आहे. अॅमेझॉन प्राइम व्हिडीओवर अल्लू अर्जुनचा 'पुष्पा: द राइज' सिनेमा प्रदर्शित झाला आहे. 'पुष्पा: द राइज' हा पुष्पा चित्रपटाचा पहिला भाग आहे. 2022 मध्ये या चित्रपटाचा दुसरा पार्ट प्रदर्शित होणार आहे.

संबंधित बातम्या