Into the wild | बेयर ग्रिल्ससोबत खतरनाक स्टंट करणार अक्षय कुमार; व्हिडीओ शेअर
बॉलिवूड अभिनेता अक्षय कुमार आता मॅन वर्सेस वाइल्डमध्ये बेयर ग्रिल्ससोबत स्टंट करताना दिसणार आहे. अक्षय कुमारने या शोचा प्रोमो सोशल मीडियावर शेअर केला आहे.
मुंबई : जगातील सर्वात लोकप्रिय शो मॅन वर्सेस वाइल्डमध्ये बॉलिवूडचा खिलाडी अक्षय कुमार बेयर ग्रिल्ससोबत धमाल करणार आहे. अक्षय कुमार याने सोशल मीडियावर एक व्हिडीओ शेअर केला आहे. या व्हिडीओमध्ये बेअर ग्रिल्ससोबत अॅडव्हेंचर्स आणि मस्ती करताना दिसत आहे. हा व्हिडीओ शेअर करताना अक्षय कुमारने लिहिलं आहे की, 'अनेक आव्हानांमध्ये बेयर ग्रिल्सने त्याला हत्ती पोप चहा प्यायला लावला.' याचसोबत दोघे अनेक स्टंट करतानाही दिसून आले.
अक्षय कुमारने या शोचा प्रोमो शेअर करताना लिहिलं की, 'मला माहिती होतं की, बेयर ग्रिल्ससोबत वाइल्ड लाईफचा अनुभव घेताना अनेक आव्हानांचा सामना करावा लागणार आहे. परंतु, बेयर ग्रिल्सने मला हत्ती पोप चहा देत पूर्णपणे हैराण केलं. काय दिवस होता.' या प्रोमोची सुरुवात एका घनदाट जंगलातून होते. अक्षय कुमार एका हेलिकॉप्टरवर उभा असल्याचं दिसत आहे. त्यानंतर अक्षय कुमार एका नदीत पोहोताना दिसून आला.
अक्षय कुमारचा व्हिडीओ :
अक्षय कुमारसोबत बेयर ग्रिल्सही एका ट्रकच्या मागे लटकताना दिसून आला आणि चालत्या ट्रकमधूनच खाली उतरतात. त्यानंतर बेयर अक्षयला हत्ती पोप चहा प्यायला लावतो. परंतु, बेयर स्वतःच आपला चहा फेकून देतो. या घनदाट जंगलात अक्षय आणि बेयर अनेक अॅडव्हेंचर्स करताना दिसून आले. तसेच एक नदी रश्शीच्या मदतीने दोघेही पार करतात. त्या नदीत एक भयानक मगरी दिसून येत असतात. याचसोबत एका फ्लायओव्हरवर रश्शीच्या मदतीने चढताना दिसून आला.
रजनिकांत आणि पंतप्रधान मोदींनीही घेतला सहभाग
अक्षय कुमार या शोमध्ये सहभागी होणारा पहिला बॉलिवूड स्टार आहे. याआधी सुपरस्टार रजनिकांत यांनीही बेयर ग्रिल्ससोबत मॅन वर्सेस वाइल्डमध्ये सहभाग घेतला आहे. एवढचं नाहीतर पंतप्रधान मोदीही सहभागी झाले होते. दरम्यान, पंतप्रधान मोदी यांनी येथे समावेश झाल्यामुळे विरोधकांनी अनेक आरोप-प्रत्यारोप केले आहेत.
महत्त्वाच्या बातम्या
ट्रेंडिंग न्यूज
