Raksha Bandhan : कोणाला व्हायचं होतं इंजिनियर तर कोण आहे मॉडेल; पाहा कोण आहेत 'रक्षा बंधन'मधील अक्षयच्या चार बहिणी

Raksha Bandhan : चित्रपटामध्ये अक्षयच्या बहिणींची भूमिका साकारणाऱ्या चार अभिनेत्री या कोण आहेत? असा प्रश्न तुम्हाला पडला असेल.

Raksha Bandhan

Raksha Bandhan : बॉलिवूडमधील 'खिलाडी' अशी ओळख असणारा अभिनेता अक्षय कुमार (Akshay Kumar)  त्याच्या अभिनयानं नेहमीच प्रेक्षकांची मनं जिंकतो. नुकताच अक्षयच्या 'रक्षा बंधन' (Raksha Bandhan)  या चित्रपटाचा ट्रेलर रिलीज झाला आहे. या ट्रेलरला प्रेक्षकांची पसंती मिळाली. अक्षयसोबतच या चित्रपटामध्ये भूमि पेडणेकर देखील प्रमुख भूमिका साकारणार आहे. हा चित्रपट एक भाऊ आणि त्याच्या चार बहिणींच्या आयुष्यावर आधारित असणार आहे. चित्रपटामध्ये अक्षयच्या बहिणींची भूमिका साकारणाऱ्या चार अभिनेत्री या कोण आहेत? असा प्रश्न तुम्हाला पडला असेल. जाणून घेऊयात या चार अभिनेत्रींबाबत...

सादिया खतीब (Sadia Khateeb)
सादिया खतीबनं विदू विनोद चोप्रा यांच्या 2020 मध्ये प्रदर्शित झालेल्या शिकारा या चित्रपटामधून अभिनय क्षेत्रात पदार्पण केलं. या चित्रपटामध्ये सदियानं एका  मेडिकल स्टूडेंटची भूमिका साकारली होती. रक्षा बंधन ही सदियाचा दुसरा चित्रपट असणार आहे. सादिया ही काश्मिरची आहे. तिला  इंजीनियर व्हायचं होतं. त्यामुळे तिनं इंजिनियरिंगचं शिक्षण घेण्यास सुरुवात केली. पण नंतर एका कास्टिंग एजेंटनं तिला चित्रपटाची ऑफर दिली. त्यानंतर तिनं अभिनय क्षेत्रात काम करण्याचा निर्णय घेतला. सादियाचे इंस्टाग्रामवर   21 हजारपेक्षा जास्त फॉलोअर्स आहेत.  

स्मृती श्रीकांत (Smrithi Srikanth)
स्मृती श्रीकांत ही मॉडेल आहे. स्मृती तिच्या फिटनेसकडे विशेष लक्ष देते. रक्षा बंधन या चित्रपटामध्ये स्मृतीचं कास्टिंग हे मुकेश छाबडानं केलं. 

 शहजमीन कौर(Sahejmeen Kaur)

'रक्षा बंधन' मधील एका अभिनेत्रीचं नाव हे शहजमीन कौर आहे. शहजमीन ही दिल्लीमध्ये राहते. द्वारका येथे शहजमीननं शिक्षण पूर्ण केलं. शहजमीनचे  इंस्टाग्राम जवळपास  1850 फॉलोअर्स आहेत. 

दीपिका खन्ना (Deepika Khanna)
दीपिका खन्ना ही मुंबईमध्ये राहते. 'पटियाला बेब्स'  या मालिकेमध्ये दीपिकानं काम केलं. थँक यू फॉर शेयरिंग', 'ये क्रेजी दिल' आणि 'गंदी बात'  या वेब सीरिजमध्ये दीपिकानं काम केलं.  

अक्षय कुमारचा 'रक्षा बंधन' सिनेमा 11 ऑगस्टला प्रदर्शित होणार आहे. अक्षयचे चाहते या चित्रपटाची उत्सुकतेने वाट पाहात आहेत.