Bholaa Box Office Collection : अजयच्या 'भोला'ची छप्परफाड कमाई सुरूच; 50 कोटींचा टप्पा केला पार

Ajay Devgn : अजय देवगणच्या 'भोला' या सिनेमाने बॉक्स ऑफिसवर 50 कोटींचा टप्पा पार केला आहे.

Ajay Devgn

Ajay Devgn Bholaa Box Office Collection Day 6 : बॉलिवूड अभिनेता अजय देवगण (Ajay Devgn) आणि तब्बूचा (Tabu) 'भोला' (Bholaa) हा सिनेमा प्रेक्षकांच्या भेटीला आला असून हा सिनेमा प्रेक्षकांच्या पसंतीस उतरला आहे. 30 मार्चला प्रदर्शित झालेल्या या सिनेमाने रिलीजच्या सहा दिवसांत 50 कोटींचा टप्पा पार केला आहे.

'भोला' हा सिनेमा अजयच्या चाहत्यांच्या पसंतीस उतरला असला तरी दुसरीकडे या सिनेमाला सिनेरसिकांनी मात्र पसंती दर्शवली नाही. 'भोला'च्या निर्मात्यांच्या सिनेमाकडून खूप अपेक्षा होत्या. पण पाच दिवसात या सिनेमाने फक्त 48.78 कोटींची कमाई केली. तर सहाव्या दिवशी या सिनेमाने 4.50 कोटींची कमाई केली आहे. आतापर्यंत या सिनेमाने 53.28 कोटींचा गल्ला जमवला आहे. 

अजयच्या 'भोला'ची वाटलाच 100 कोटींच्या दिशेने

अजय देवगणच्या 'भोला' या सिनेमाने रिलीजच्या सहा दिवसांत 50 कोटींची कमाई केली असली तरी लवकरच हा सिनेमा 100 कोटींचा टप्पा पार करेल असे म्हटले जात आहे. लवकरच हा सिनेमा 100 कोटींच्या क्लबमध्ये एन्ट्री करू शकतो. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ajay Devgn (@ajaydevgn)

'भोला' हिट की फ्लॉप?

'भोला' या सिनेमात मुख्य भूमिकेत असण्यासोबत अजयने या सिनेमाच्या दिग्दर्शनाची धुरादेखील सांभाळली आहे. मीडिया रिपोर्टनुसार, अजयने दिग्दर्शित केलेला एकही सिनेमा बॉक्स ऑफिसवर सुपरहिट झालेला नाही. त्यामुळे आता अजय आणि तब्बूचा 'भोला' हा सिनेमा बॉक्स ऑफिसवर आपली जादू दाखवण्यात यशस्वी होईल का याकडे सर्वांचं लक्ष लागलं आहे.

'भोला' हा सिनेमा 'कैथी' या दाक्षिणात्य सिनेमाचा हिंदी रिमेक आहे. लोकेश कनगराजने त्यावेळी या सिनेमाच्या दिग्दर्शनाची धुरा सांभाळली होती. आता 'भोला' या सिनेमात अजय देवगण, तब्बूसह संजय मिश्रा, गजराव राव, मकरंद देशपांडे, किरण कुमार आणि दीपक डोबरियाल महत्त्वाच्या भूमिकेत आहेत.

'भोला' या सिनेमाच्या दिग्दर्शनाची धुरा लोकेश कनगराजने सांभाळली आहे. एकीकडे नानीचा 'दसरा' सिनेमागृहात धमाका करत असताना दुसरीकडे अजयच्या 'भोला'ची चांगलीच क्रेझ आहे. 'भोला'चे वीकेंडचे शो हाऊसफुल्ल होत आहेत. अजयचे चाहते पुन्हा पुन्हा सिनेमागृहात जाऊन लाडक्या सेलिब्रिटीचा सिनेमा पाहत आहेत.

संबंधित बातम्या