Bhuj: The Pride Of India Trailer : "हम महान छत्रपती शिवाजी महाराज की औलाद हैं"; अंगावर काटा आणणारा भुज सिनेमाचा दुसरा ट्रेलर रिलीज

‘भुज: द प्राइड ऑफ इंडिया’ 13 ऑगस्ट 2021 रोजी रिलीज होणार आहे. अजय देवगण मुख्य भूमिकेत दिसणारा हा चित्रपट ओटीटी प्लॅटफॉर्म डिस्ने + हॉटस्टारवर प्रदर्शित होणार आहे.

bhuj_trailer

मुंबई : 'भुज द प्राइड ऑफ इंडिया' (Bhuj: The Pride Of India) चित्रपटाचा दुसरा ट्रेलर रिलीज झाला आहे. अजय देवगण, संजय दत्त, सोनाक्षी सिन्हा, नोरा फतेही, शरद केळकर इत्यादी कलाकारांची मुख्य भूमिका असलेल्या या चित्रपटाचा ट्रेलर देशभक्तीच्या भावनांनी भरलेला आहे. चित्रपट दृश्यांपासून संवादांपर्यंत सर्व देशप्रेमाने भरलेले आहेत. 

काही दिवसांपूर्वी या सिनेमाचा दमदार ट्रेलर रिलीज झाला होता. तेव्हापासून सर्वच जण सिनेमाची वाट पाहत आहेत. त्यात आज सिनेमाचा दुसरा ट्रेलर पाहून प्रेक्षकांची उत्सुकता आणखीच वाढली आहे. भारत-पाकिस्तानमधील युद्धाचा थरार ट्रेलरमध्ये दिसून येत आहे. मुख्य भूमिकेत असलेल्या अजय देवगणच्या दमदार आवाजातील डायलॉगने देशप्रेमाची भावना आणखी तीव्र होते. 

“हम उस महान छत्रपती शिवाजी महाराज की औलाद हैं, जिन्होंने मुघलों को घुटनों पर ला दिया था और अपने खून से हिंदुस्तान का इतिहास लिखा था।”, अजय देवगनच्या आवाजातील हा डायलॉग अनेकांना हा चित्रपट पाहायला भाग पाडणार आहे. 

 

13 ऑगस्ट 2021 रोजी रिलीज होणार चित्रपट 

यावर्षीचा बहुप्रतिक्षीत चित्रपटांपैकी एक असलेला ‘भुज: द प्राइड ऑफ इंडिया’ 13 ऑगस्ट 2021 रोजी रिलीज होणार आहे. अजय देवगण मुख्य भूमिकेत दिसणारा हा चित्रपट ओटीटी प्लॅटफॉर्म डिस्ने + हॉटस्टारवर प्रदर्शित होणार आहे. याअगोदर डिस्ने + हॉटस्टारने नुकताच भुज: द प्राइड ऑफ इंडिया या चित्रपटाचा टीझर रिलीज केला आहे, ज्यात अजय देवगण, संजय दत्त, सोनाक्षी सिन्हा, अम्मी विर्क, नोरा फतेही आणि शरद केळकर मुख्य भूमिकेत आहेत. भारतीय वायुसेनेचे आयएएफ स्क्वॉड्रॉन लीडर विजय कर्णिक यांच्या पराक्रमावर प्रेरीत भुज चित्रपट आहे.

सत्य घटनेवर आधारीत

हा चित्रपट 1971 च्या सत्य घटनेवर आधारित आहे. जेव्हा पाकिस्तानने भारताच्या एअरबेसवर हल्ला केला होता. एअरबेसवर 92 बॉम्ब आणि 22 रॉकेटने हल्ला करण्यात आला होता. अशा परिस्थिती भारतीय हवाई दलाच्या शूर अधिकाऱ्याने आपल्या धैर्याने एअरबेस वाचवलाच. त्याचबरोबर स्थानिक ग्रामस्थांच्या मदतीने नवीन हवाई पट्टी रात्रीत तयार केली. विजय कर्णिक असे अधिकाऱ्याचे नाव होते. अजय देवगण चित्रपटात तीच भूमिका साकारत आहेत.