Adnan Sami : अदनान सामीचा सोशल मीडियाला रामराम? ‘अलविदा’ पोस्टमुळे चाहते संभ्रमात!

Adnan Sami : लोकप्रिय गायक अदनान सामी (Adnan Sami) याने आपल्या इन्स्टाग्राम अकाऊंटवरील सगळ्या पोस्ट डिलीट केल्या असून, ‘अलविदा’ म्हणत एक व्हिडीओ शेअर केला आहे.

Adnan Sami

Adnan Sami : पद्मश्री विजेता लोकप्रिय गायक अदनान सामी (Adnan Sami) याने आपल्या इन्स्टाग्राम अकाऊंटवरील सगळ्या पोस्ट डिलीट केल्या असून, ‘अलविदा’ म्हणत एक व्हिडीओ शेअर केला आहे. त्याची अलविदा ही पोस्ट पाहून चाहते मात्र संभ्रमात पडले आहेत. या पोस्टमुळे अदनान सामी याने इन्स्टाग्रामला अलविदा केला असावा, अशी अटकळ बांधली जात आहे. मात्र, यावर अदनान याने अद्याप कोणतेही अधिकृत वक्तव्य केलेले नाही. अदनानने त्याच्या इन्स्टाग्रामवरील पोस्ट हटवल्या असल्या, तरी ट्विटरवर मात्र सगळ्या पोस्ट दिसत आहेत.

नुकताच अदनानने वजन कमी करून आपल्या चाहत्यांना आश्चर्याचा धक्का दिला होता. त्याची फॅट टू फिट जर्नी पाहून चाहते देखील भारावून गेले होते. स्वतः अदनान सामीने त्याचे फोटो सोशल मीडिया अकाऊंटवर शेअर केले होते. मात्र, आता त्या फोटोंसह सगळ्याच पोस्ट गायब झाल्याने चाहते नाराज झाले आहे. एकीकडे अदनान सामीने इन्स्टाग्रामला अलविदा केलाय, असे म्हटले जात आहे, तर दुसरीकडे त्याचे काही चाहते म्हणत आहेत की, हा केवळ प्रमोशन फंडा असून, त्याचे आगामी गाणे ‘अलविदा’ प्रेक्षकांच्या भेटीला येणार आहे.

पाहा पोस्ट:

गायक अदनान सामी सोशल मीडिया प्लॅटफॉर्म इन्स्टाग्रामवर प्रचंड सक्रिय होता. तो अनेकदा आपले फोटो आणि व्हिडीओ शेअर करून चाहत्यांशी कनेक्टेड राहत होता. मात्र, आता त्याने सगळ्या पोस्ट हटवून केवळ ‘अलविदा’ म्हटल्याने त्याचे चाहते नाराज झाले आहेत.

चाहत्यांच्या प्रतिक्रिया

आपल्या लाडक्या गायकाची अलविदा पोस्ट पाहून चाहते देखील गोंधळले आहेत. या पोस्टवर कमेंट करत ते अदनानला अनेक प्रश्न विचारत आहेत. एका चाहत्याने म्हटले की, ‘अदनान सर तुम्ही ठीक आहात का? काही झाले आहे का?’, तर आणखी एका चाहत्याने लिहिले, ‘मला आशा आहे की, ही केवळ एक पीआर योजना आहे आणि हे असेच असले पाहिजे. तुम्ही ही इंडस्ट्री सोडणार असा मी विचारही करू शकत नाही. तुम्ही बनवलेले संगीत, रचना ते निर्मिती आणि गायन अप्रतिम आहे. तुम्ही सर्वोत्कृष्ट आहात, सर! अल्लाह तुम्हाला आशीर्वाद देईल आणि आशा आहे की, सर्व काही ठीक असेल.’ तर, काही चाहते म्हणत आहेत, ‘तुमच्या नवीन गाण्यासाठी तुम्हाला खूप शुभेच्छा’. आता सगळेच चाहते त्याच्या अधिकृत व्यक्तव्याची वाट पाहत आहेत.

हेही वाचा :