Aditya Singh Rajput Death: अभिनेता आदित्य सिंह राजपूतचा मृत्यू; घराच्या बाथरूममध्ये आढळला मृतदेह

Aditya Singh Rajput Demise: अभिनेता आदित्य सिंह राजपूतचा मृत्यू झाला आहे.

Aditya Singh Rajput

Aditya Singh Rajput Demise: प्रसिद्ध अभिनेता आणि मॉडेल आदित्य सिंह राजपूतचा (Aditya Singh Rajput)  मृत्यू झाला आहे. आदित्य सिंह राजपूत याचा मृतदेह सोमवारी (22 मे) दुपारी त्याच्या अंधेरी (Andheri) येथील घरातील बाथरूममध्ये आढळला. आदित्यच्या एका  मित्राला आदित्य हा मृतावस्थेत आढळला, त्यानंतर त्या मित्राने आणि इमारतीच्या वॉचमॅनने आदित्यला रुग्णालयात नेले. रुग्णालयात आदित्यला मृत घोषित करण्यात आले. आदित्यच्या मृत्यूमागील कारण अजून स्पष्ट झालेलं नाही.

वयाच्या 17 व्या वर्षी केली होती करिअरला सुरुवात

आदित्य सिंह राजपूतने वयाच्या 17 व्या वर्षी मनोरंजन क्षेत्रातील  करिअरला सुरुवात केली होती. आदित्यचा जन्म दिल्लीत झाला. त्यांचे कुटुंब उत्तराखंड येथील आहे. आई,वडील, एक मोठी बहीण असं आदित्यचं कुटुंब आहे. आदित्यच्या मृत्यूनं मनोरंजन विश्वाला धक्का बसला आहे.   'स्प्लिट्सविला' या शोमध्ये आदित्य सिंह राजपूतने काम केले होते. तसेच त्यानं काही जाहिरातींमध्ये देखील काम केले. 

अभिनेता आदित्य सिंह राजपूत हा त्याच्या अंधेरी भागातील अपार्टमेंटमध्ये मृतावस्थेत आढळला. मृतदेह पोस्टमॉर्टमसाठी पाठवण्यात आला आहे. त्याच्या मृत्यूचा तपास चालू आहे, अशी माहिती ANI या वृत्तसंस्थेला मुंबई पोलिसांनी दिली आहे.

Actor Aditya Singh Rajput found dead at his apartment in Andheri area. Body sent for post-mortem. Investigation underway: Mumbai Police

(Pic: Aditya's Instagram) pic.twitter.com/1ZHbKB9ilp

— ANI (@ANI) May 22, 2023

आदित्य हा सोशल मीडियावर अॅक्टिव होता. तो वेगवेगळ्या लूकमधील  फोटो आणि रिल्स सोशल मीडियावर शेअर करत होता. त्याला इन्स्टाग्रामवर 520K फॉलोवर्स आहेत.  आदित्यनं काल इन्स्टाग्रामवर एक फोटो शेअर केला होती. या फोटोवर 'संडे फंडे विथ बेस्टी', असं लिहिलं होतं. ही आदित्यची शेवटी इन्स्टाग्राम पोस्ट ठरली. 

चित्रपट आणि शोमध्ये केलं होतं काम

आदि राजा,  मॉम अँड डॅड: द लाईफलाईन लव्ह, लव्हर्स अशा चित्रपटांमध्ये त्यानं काम केलं होतं. तसेच  राजपुताना, लव्ह, कोड रेड, बॅड बॉय या मालिका आणि शोमध्ये देखील त्यानं काम केलं होतं. स्प्लिट्सविला या कार्यक्रमाच्या 9 व्या सीझनमध्ये त्यानं सहभाग घेतला होता. जवळपास 300 जाहिरातींमध्ये आदित्यनं काम केलं होतं. आदित्य हा कास्टिंग डायरेक्टर म्हणून देखील काम करत होता. 

महत्त्वाच्या इतर बातम्या :