Preity Zinta : प्रीती झिंटा बॉलिवूडमध्ये पुनरागमन करणार, सनी देओल सोबत पुन्हा एकदा पडद्यावर झळकणार
Preity Zinta : अभिनेता सनी देओलच्या (Sunny Deol) 'गदर 2' ने बॉक्स ऑफिसवर मोठं यश मिळवलं. बंप्पर कमाई देखील केली. त्यामुळे सनी देओलकडे सध्या अनेक सिनेमांच्या ऑफर आहेत. या सिनेमाच्या माध्यमातून सनी देओल पुन्हा एकदा आपल्या अभिनयातून प्रेक्षकांचे मने जिंकणार आहे.
Preity Zinta : अभिनेता सनी देओलच्या (Sunny Deol) 'गदर 2' ने बॉक्स ऑफिसवर मोठं यश मिळवलं. बंप्पर कमाई देखील केली. त्यामुळे सनी देओलकडे सध्या अनेक सिनेमांच्या ऑफर आहेत. या सिनेमाच्या माध्यमातून सनी देओल पुन्हा एकदा आपल्या अभिनयातून प्रेक्षकांचे मने जिंकणार आहे. दरम्यान, अभिनेत्री प्रीती झिंटाही (Preity Zinta) सनी देओल (Sunny Deol) सोबत स्क्रीन शेअर करणार असल्याचे बोलले जात आहे. 'गदर 2' च्या यशानंतर सनी देओल 'सफर' या सिनेमाची शूटींग पूर्ण करत आहे. या शिवाय सनीच्या 'लाहोर' या सिनेमाच्याही चर्चा रंगल्या आहेत. हा सिनेमा आमिर खान प्रॉडक्शनद्वारे बनवला जात आहे.
सनीच्या सिनेमातून प्रीती झिंटाचे पुनरागमन
अभिनेता सनी देओलच्या (Sunny Deol) आगमी सिनेमाचे दिग्दर्शन राजकुमार संतोषी हे करत आहेत. सिनेमाबाबत नुकतेच एक अपडेट त्यांनी शेअर केली आहे. सूत्रांच्या माहितीनुसार, प्रीती झिंटा या सिनेमाच्या माध्यमातून पुन्हा एकदा पडद्यावर झळकणार असल्याची शक्यता आहे. प्रीती झिंटा बुधवारी (दि.24) मुंबईतील एका स्टुडिओतून बाहेर पडताना दिसली. प्रीती लूट टेस्टसाठी स्टुडिओत पोहोचली असल्याचे बोलले जात आहे. सूत्रांच्या माहितीनुसार, लाहोर 1947 साठी प्रीतीने हा लूक टेस्ट दिला असल्याचे बोलले जात आहे. प्रीती या सिनेमाच्या माध्यमातून बॉलिवूडमध्ये पुनरागमन करणार आहे. यापूर्वी प्रीती आणि सनी हे दोघेही 'हिरो : लव स्टोरी ऑफ ए स्पाई', फर्ज, भैय्याजी सुपरहिट या सिनेमातून एकत्र पाहायला मिळाले आहेत.
संतोषी-सनी जोडगोळी पुन्हा एकत्र
सनी देओल आणि राजकुमार संतोषी 'कॉफी विद करण सीझन 8' मध्ये एकत्र पाहायला मिळाले होते. करण जोहरच्या या शोमध्ये त्याला दोघांच्या एकत्र काम करण्याबाबत विचारण्यात आले होते. त्यावेळी सनी देओल म्हणाला, "जेव्हा आमिर खान 'गदर 2'च्या सक्सेस पार्टीमध्ये आले. तेव्हा ते माझ्याकडे आले आणि म्हणाले की, मला तुम्हाला भेटायचे आहे. त्यानंतर दुसऱ्या दिवशी आमची भेट झाली. आम्ही सोबत काम करण्याबाबत चर्चा केली. त्यानंतर आम्ही या प्रोजेक्टवर काम करण्याचे ठरवले." राजकुमार संतोषी आणि सनी देओल यांनी 90 च्या दशकात अनेक सुपरहिट सिनेमे केले आहेत. यामध्ये घायल, दामिनी, घातक यांसारखे हिट सिनेमांचा समावेश आहे.
इतर महत्वाच्या बातम्या
महत्त्वाच्या बातम्या
