Video | नवीकोरी Lamborghini कार्तिक आर्यनच्या हाती येताच झाला स्फोट

, मग मी काही महागड्या गोष्टींसाठी बनलोच नाही आहे, असं तो नेमकं का म्हणाला माहितीये... ?

kk

मुंबई :  जीवनात एखादी वस्तू किंबहुना एखादी महागडी वस्तू आपल्याकडे असावी असं अनेकांचं स्वप्न असतं. वस्तूचं स्वरुप बदलतं, पण हे स्वप्न मात्र कायम असतं. असंच स्वप्न पाहिलं होतं, अभिनेता कार्तिक आर्यन यानं. अर्थात त्याचं हे स्वप्नही साकार झालं. पण, मग मी काही महागड्या गोष्टींसाठी बनलोच नाही आहे अशा शब्दांत त्यानं खंतही व्यक्त केली. कारण, त्यानं ही कार खरेदी केली आणि एका स्फोटानं त्याला हादराच बसला. आता हा स्फोट नेमका कसला आणि कार्तिक नेमकं असं का म्हणतोय हाच प्रश्न तुम्हालाही पडला ना? 

सध्या सोशल मीडियावर कार्तिक आर्यन बराच चर्चेत आहे. त्यामागचं कारणंही तसंच आहे. अगदी कमी वेळातच आपल्या अभिनयाच्या बळावर बॉलिवूडमध्ये कायमचं स्थान प्रस्थापित करणाऱ्या या युवा अभिनेत्यानं इटालियन लक्झरी ब्रँड असणाऱ्या Lamborghini या कंपनीची कार खरेदी केली आहे. भारतात बेस्ट सेलिंग रेंजमध्ये असणारी Lamborghini Urus ही कार त्यानं खरेदी केली आहे. 

काळ्या रंगाची ही आलिशान कार कार्तिकच्या हाती आली. कोरोनावर मात केल्यानंतर त्याच्या जीवनात आलेला हा क्षण आनंद द्विगुणित करणाराच. पण, याच क्षणी त्याला हादराही बसला. यामध्ये कुणाचं नुकसान झालं नाही, पण हो सोशल मीडियावर याची चर्चा बरीच झाली. काहीही अंदाज नसताना कार्तिक त्याच्या नव्या कारसोबत फोटोसाठी पोझ देत होता. त्याचवेळी शोभेचा फटाका फुटला आणि कारच्या मागे लाल रंगाचे कागद उडू लागले. फटाका फुटताना झालेला आवाज हा पूर्णपणे अनपेक्षित असल्यामुळं कार्तिक अक्षरश: जागचा हलला. ज्यानंतर त्यानं मोठ्या उत्साहात कार खरेदी केल्याची बातमी जाहीर करण्यासाठी हाच व्हिडीओ पोस्ट केला. जिथं, आपण कार खरेदी केली असली तरीही बहुधा आपण या महागड्या वस्तूंसाठी बनलोच नाही आहोत असं तो मोठ्या विनोदी अंदाजात म्हणताना दिसला. 

Kharid li....🚗
Par main shayad mehengi cheezon ke liye bana hi nahi hoon 😂 pic.twitter.com/ic0cl1FNPa

— Kartik Aaryan (@TheAaryanKartik) April 6, 2021

कार्तिकची ही नही Lamborghini Urus पाहून चाहत्यानी त्याला मनापासून शुभेच्छा दिल्या. त्यानं ही कार तब्बल 4.5 कोटी रुपयांना खरेदी केल्याची माहिती समोर येत आहे. या कार व्यतिरिक्त त्याच्याकडे BMW 5 Series आणि MINI Cooper या कारही आहेत. दरम्यान, बॉलिवूडमध्ये अभिनेता रणवीर सिंग आणि दिग्दर्शक रोहित शेट्टी यांच्याकडे Lamborghini Urus आहे.