Bobby Deol : आलिशान घर, लग्झरी गाड्या अन् रेस्टॉरंट; बॉबी देओल आहे कोट्यवधींचा मालक

बॉबीकडे लग्झरी गाड्यांचे कलेक्शन आहे तसेच तो कोट्यवधींचा मालक देखील आहे. जाणून घेऊयात त्याच्या संपत्तीबाबत...

Bobby Deol

Bobby Deol : बॉलिवूडमधील प्रसिद्ध अभिनेता बॉबी देओल (Bobby Deol) हा त्याच्या अभिनयानं नेहमीच प्रेक्षकांची मनं जिंकतो. बॉबी देओल हा सध्या त्याच्या आश्रम या सीरिजमुळे चर्चेत आहे.  आश्रम या सीरिजचा दुसरा सिझन काही दिवसांपूर्वी प्रदर्शित झाला. या सीरिजच्या दोन्ही सिझनला प्रेक्षकांची पसंती मिळाली. बॉबीच्या गुप्त (Gupt), अजनबी (Ajnabi), बिच्छू (Bichchoo) आणि हमराज (Humraz) या चित्रपटांना प्रेक्षकांची पसंती मिळाली.  बॉबीचे चाहते त्याच्या वैयक्तिक आयुष्याबद्दल जाणून घेण्यास उत्सुक असतात. बॉबीकडे लग्झरी गाड्यांचे कलेक्शन आहे तसेच तो कोट्यवधींचा मालक देखील आहे. जाणून घेऊयात त्याच्या संपत्तीबाबत...

बॉबी देओलची संपत्ती
बॉबी देओल हा एका चित्रपटासाठी दोन ते चार कोटींचे मानधन घेतो. तसेच बॉबीची मुंबईमध्ये सुहाना आणि समप्लेस एल्स नावाचे दोन चायनिज रेस्टॉरंट्स आहेत. तसेच बॉबीची पत्नी तान्याचे स्वत:चा होम डेकोरेशनचा बिझनेस आहे. बॉबीचे मुंबईमधील जुहू भागात आलिशान घर आहे. ज्याची किंमत जवळपास आठ कोटी रुपये आहे. तसेच त्याचं एक फार्म हाऊस देखील आहे. 

बॉबी देओलचे कार कलेक्शन 

बॉबी देओलकडे लग्झरी कारचे कलेक्शन देखील आहे. त्याच्याकडे लँड रोव्हर, फ्रीलँडर 2, रेंज रोवर वोग, मर्सिडीज-बेन्ज एस-क्लास, पोर्शे कायेन या गाड्या बॉबी देओलकडे आहेत. रिपोर्टनुसार, बॉबी देओलची एकूण 50 कोटींची संपत्ती आहे. बॉबी देओल हा एका वर्षात जवळपास आठ कोटींची कमाई करतो. 

आश्रम सीरिजमुळे मिळाली विशेष लोकप्रियता

बॉबी देओलला आश्रम या चित्रपटामुळे विशेष लोकप्रियता मिळाली. त्यानं निराला बाबा ही भूमिका आश्रम सीरिज दोन्ही सिझनमध्ये साकारली. या सीरिजमधील बॉबी देओलच्या अभिनयाला आणि सीरिजच्या कथानकाला प्रेक्षकांची विशेष पसंती मिळाली. या सीरिजमध्ये अदिती पोहनकर, चंदन रॉय सन्याल, दर्शन कुमार, अनुप्रिया गोएंका, ईशा गुप्ता, सचिन श्रॉफ या कलाकारांनी प्रमुख भूमिका साकारली. 

हेही वाचा: