Bipasha Basu Announce Pregnancy : लग्नानंतर सहा वर्षांनी बिपाशा आणि करणनं चाहत्यांना दिली गूड-न्यूज; शेअर केली खास पोस्ट

बिपाशानं (Bipasha Basu) सोशल मीडियावर एक खास पोस्ट शेअर करुन ही गूड-न्यूज चाहत्यांना दिली आहे.

bipasha basu,karan singh grover

Bipasha Basu Announce Pregnancy : बॉलिवूडमधील प्रसिद्ध अभिनेत्री बिपाशा बासू (Bipasha Basu) आणि करण सिंह ग्रोवर (Karan Singh Grover) यांनी नुकतीच चाहत्यांना गूड-न्यूज दिली आहे. बिपाशा आणि करण यांच्या घरी लवकरच एका चिमुकल्या पाहुण्याचे आगमन होणार आहे. बिपाशानं सोशल मीडियावर एक खास पोस्ट शेअर करुन ही गूड-न्यूज चाहत्यांना दिली आहे. या पोस्टमध्ये बिपाशानं करणसोबतचे फोटो शेअर केले आहेत. या फोटोमध्ये ती बेबी बंप फ्लाँट करताना दिसत आहे. बिपाशाच्या या पोस्टला अनेक नेटकऱ्यांनी लाइक्स आणि कमेंट्स केल्या आहेत. या पोस्टला बिपाशानं खास कॅप्शन देखील दिलं आहे. 

बिपाशाची पोस्ट

बिपाशानं करणसोबतचे फोटो शेअर करुन कॅप्शनमध्ये लिहिलं, 'नवी वेळ, नवा टप्पा, आमच्या आयुष्यात नवा प्रकाश येणार आहे. आम्हाला वाटलं की, दोन व्यक्तींच्या आयुष्यात एवढं प्रेम असणं अनफेअर ठरेल. आता आमच्या आयुष्यात एका नव्या पाहुण्याचे एन्ट्री होणार आहे. आमचं बाळ लवकरच आमच्या आयुष्यात येणार आहे.' पुढे पोस्टमध्ये बिपाशानं चाहत्यांचे मानले आभार मानले. तिनं लिहिलं, 'आमच्यासाठी प्रार्थना करणाऱ्यांचे आणि आमच्यावर प्रेम करणाऱ्यांचे मी आभार मानते.' बिपाशाच्या या पोस्टला अनेक कलाकारांनी आणि तिच्या चाहत्यांनी कमेंट करुन शुभेच्छा दिल्या आहेत. फोटोमध्ये बिपाशा व्हाईट ओव्हरसाईज शर्टमध्ये तर करण हा व्हाईट शर्ट आणि ब्लॅक पँट अशा लूकमध्ये दिसत आहे.  

 

 

 

 

 

View this post on Instagram

 

 

 

 

 

 

 

 

 

 

 

A post shared by bipashabasusinghgrover (@bipashabasu)

बिपाशा आणि करणची लव्ह स्टोरी 
बिपाशा आणि करणची पहिली भेट एका चित्रपटाच्या सेटवर झाली. हे दोघे एकमेकांना काही वर्ष डेट करत होते. त्यानंतर 2016 मध्ये दोघांनी लग्न केलं. आता लग्नानंतर सहा वर्षांनी करण आणि बिपाशा आई-बाबा होणार आहेत. धूम 2, फिर हेरा फेरी,नो एन्ट्री, मेरे यार की शादी है या चित्रपटांमध्ये बिपाशानं काम केलं आहे. तर करणनं  कुबूल है,  दिल मिल गए,  दिल दोस्ती डान्स या मालिकेमध्ये काम केलं आहे.

वाचा इतर महत्त्वाच्या बातम्या: