Bigg Boss Marathi Fame Suraj Chavan Video: सूरज चव्हाणचं जमलं? साखरपुड्याचा व्हिडीओ व्हायरल; चाहत्यांना दिलाय 'गुलिगत धोका' VIDEO
Bigg Boss Marathi Fame Suraj Chavan Video: इन्स्टाग्रामवर शेअर केलेल्या व्हिडीओमध्ये सूरज मुलगी पाहायला जातो. तिच्या प्रेमात पडतो आणि दोघांचा साखरपुडा होतो.
Bigg Boss Marathi Fame Suraj Chavan Video: 'बिग बॉस'मराठीच्या (Bigg Boss Marathi) पाचव्या पर्वाच्या विजेता सूरज चव्हाणवर (Suraj Chavhan) चाहत्यांकडून नेहमीच लाईक्स आणि कमेंट्सचा वर्षाव होत असतो. काही दिवसांपूर्वीच सूरज चव्हाणनं मराठी सिनेसृष्टीत मुख्य अभिनेता म्हणून डेब्यू केला. केदार शिंदे (Kedar Shinde) दिग्दर्शित 'झापुक झुपूक' (Zapuk Zupuk) सिनेमाची संपूर्ण राज्यभरात चर्चा झाली होती. अशातच आता पुन्हा एकदा सूरज चव्हाण चर्चेत आला आहे, तो त्यानं शेअर केलेल्या एका नव्या व्हिडीओमुळे. सूरज चव्हाणचा नवा व्हिडीओ पाहून चाहत्यांना आनंदाचा धक्का बसला. व्हिडीओवरुन सूरजला त्याच्या स्वप्नातली परी मिळाल्याचं दिसतंय. त्यानं आपल्या होणाऱ्या बायकोची झलकही चाहत्यांना व्हिडीओतून दाखवली आहे. व्हिडीओ पाहून चाहते खूश झाले आहेत. पण, व्हिडीओच्या शेवटी मात्र चाहत्यांना सूरजनं जोरदार धक्का दिला आहे.
इन्स्टाग्रामवर शेअर केलेल्या व्हिडीओमध्ये सूरज मुलगी पाहायला जातो. सूरज अगदी सुटाबुटात मुलीच्या घरी जातो. त्याच्यासोबत त्याची बहीणसुद्धा आहे. मुलीच्या घरी पाहण्याचा कार्यक्रम होतो. मुलगी सूरजला पाणी घेऊन येते आणि दोघांची नजरानजर होते. दोघेही पाहताच क्षणी एकमेकांच्या प्रेमात पडतात. लगेचच दोघांचा साखरपुडा होतो. दोघेही एकमेकांना अंगठी घालतात. सूरजचा साखरपुडा झाल्यामुळे चाहते खूपच खूश झाले. पण, तेवढ्यात येतो सूरजच्या व्हिडीओतला ट्वीस्ट. सूरज चव्हाणच्या साखरपुड्यामुळे आनंदी झालेल्या चाहत्यांचा आनंद फार काळ टिकत नाही.
View this post on Instagram
खरं तर सूरजचा साखरपुडा झालेला नाही. व्हिडीओची सुरुवात पाहून सगळ्यांना असंच वाटलं होतं. मात्र, व्हिडीओच्या शेवटी सूरज स्वप्न बघत असल्याचं व्हिडीओत दिसलं. त्यामुळे सूरजसोबतच चाहत्यांचाही भ्रमनिरास झाला. सूरजच्या या व्हिडीओवर चाहत्यांनी मजेशीर कमेंटही केल्या आहेत. सूरजचा व्हिडीओ सध्या सोशल मीडियावर जोरदार व्हायरल होत आहे.
दरम्यान, सूरज चव्हाणनं 'बिग बॉस मराठी'च्या पाचव्या पर्वाच्या ट्रॉफीवर आपलं नाव कोरलं. महाराष्ट्रानं सूरजला अक्षरशः उचलून धरलेलं. बिग बॉसची ट्रॉफी उंचावल्यावर त्याच मंचावर सूरजला सिनेमाची ऑफर मिळाली होती. स्वतः दिग्दर्शक केदार शिंदेंनी सूरज चव्हाणच्या 'झापुक झुपूक' सिनेमाची घोषणा केली होती. या सिनेमात सूरजसोबत मोठी स्टारकास्ट झळकली होती. अखेर सूरजचा सिनेमा रिलीज करण्यात आला. पण, या सिनेमाला प्रेक्षकांचा फारसा प्रतिसाद मिळाला नाही. सूरज चव्हाणचा 'झापुक झुपूक' सिनेमा बॉक्स ऑफिसवर फ्लॉप ठरला.
महत्त्वाच्या इतर बातम्या :
महत्त्वाच्या बातम्या
