Aryan Khan : अभिनय नाही तर ‘या’ माध्यमातून आर्यन खान करणार बॉलिवूड डेब्यू, लवकरच येणार प्रेक्षकांच्या भेटीला!

Aryan Khan : सध्या आर्यन खानच्या बॉलिवूड डेब्यूच्या बातम्या चर्चेत आहेत. अलीकडेच असे वृत्त आले आहे की, आर्यन खानने अलीकडेच Amazon Prime Videoसाठी एक शो लिहिला होता, जो त्याला स्वतः दिग्दर्शित करायचा आहे.

शाहरुख खान- आर्यन खान

Aryan Khan : बॉलिवूड अभिनेता शाहरुख खानच्या अभिनयाचे लोक दिवाने आहेत. पण, त्याचा मोठा मुलगा आर्यन खानला (Aryan Khan) अभिनेता बनण्यात अजिबात रस नसल्याचे त्याने अनेकदा सांगितले आहे. आर्यन खानला वडिलांपेक्षा वेगळे काहीतरी करून नाव कमवायचे आहे. किंग खानने एकदा खुलासा केला की, आर्यनला अभिनयापेक्षा लेखन आणि दिग्दर्शनात जास्त रस आहे, जे तो शिकला देखील आहे.

सध्या आर्यन खानच्या बॉलिवूड डेब्यूच्या बातम्या चर्चेत आहेत. अलीकडेच असे वृत्त आहे की, आर्यन खानने अलीकडेच Amazon Prime Videoसाठी एक शो लिहिला होता, जो त्याला स्वतः दिग्दर्शित करायचा होता.

शाहरुख खानच्या लाडक्या लेकाने अॅमेझॉन प्राईम व्हिडीओसाठी लिहिलेला शो बऱ्याच काळापासून चर्चेत आहे. इंडिया टुडेच्या रिपोर्टनुसार, या शोचे दिग्दर्शन करण्याची इच्छाही आर्यनने व्यक्त केली आहे. मात्र, अद्याप हा प्रोजेक्ट पुढे गेला की नाही, हे स्पष्ट झालेले नाही.

आर्यन खानने शिकले दिग्दर्शनातील बारकावे

एका जुन्या मुलाखतीत शाहरुख खानने सांगितले होते की, आर्यनला अभिनेता व्हायचे नाही. त्याला चित्रपट बनवायचा आहे, दिग्दर्शक होण्याचे स्वप्न असून, त्याने अमेरिकेत प्रशिक्षण घेतले आहे. आर्यन खानने कॅलिफोर्निया विद्यापीठातून ग्रॅज्युएशन पूर्ण केले आहे. त्याच्याकडे फाइन आर्ट्स, सिनेमॅटिक आर्ट्स, फिल्म आणि टेलिव्हिजन प्रोडक्शनमध्ये बॅचलर डिग्री आहे.

शाहरुख खान एका शोमध्ये खास पाहुणा म्हणून आला, तेव्हा शाहरुखने आपल्या मुलाच्या चित्रपटसृष्टीकडे असलेल्या कलाबद्दलही सांगितले. तो म्हणाला होता की, आर्यनकडे अभिनेता बनण्यासाठी जे गुण आवश्यक आहे ते नाही आणि त्याला हे माहित आहे. पण तो चांगला लेखक आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha