Ashram 3 : आश्रम-3 मधील बोल्ड सीनबाबत अनुरिता झानं विचारलं वडिलांना; बिंधास्त उत्तर देत वडील म्हणाले...

बॉबी देओलसोबतच अभिनेत्री अनुरिता झा (Anurita Jha) देखील या सीरिजमध्ये प्रमुख भूमिका साकारणार आहे.

Anurita Jha

Ashram 3 : बॉलिवूडमधील प्रसिद्ध अभिनेता बॉबी देओलचा (Bobby Deol) चाहता वर्ग मोठा आहे. त्याच्या चित्रपटांना प्रेक्षकांची विशेष पसंती मिळाली. बॉबीच्या आश्रम (Aashram 3) या वेब सीरिजला प्रेक्षकांची विशेष पसंती मिळाली. ओटीटी प्लॅटफॉर्मवर या सीरिजचे दोन सिझन रिलीज झाले. आता या सीरिजचा तिसरा भाग हा उद्या (3 जून) रिलीज होणार आहे. सध्या या सीरिजची चर्चा सोशल मीडियावर होत आहे. बॉबी देओलसोबतच अभिनेत्री अनुरिता झा (Anurita Jha) देखील या सीरिजमध्ये प्रमुख भूमिका साकारणार आहे. अनुरितानं एका मुलाखतीमध्ये या सीरिजमधील बोल्ड सिनबाबत सांगितलं. 
 
एका मुलाखतीमध्ये अनुरिता म्हणाली, 'मी माझ्या कुटुंबाला आधीच या गोष्टी सांगितल्या होत्या. त्यामुळे मी उत्सुक होते. पहिल्यांदाच मी इंटिमेट सीन शूट केला. मी माझ्या करिअरमध्ये असा सीन कधीच केला नव्हता. बोल्ड सीन शूट करण्याआधी मी माझ्या वडिलांना फोन केला होता. त्यांना मी म्हणाले की, मी हे करु की नको? यावर माझ्या वडिलांनी उत्तर दिलं. हो, बिंधास्त कर. त्यामुळे मी हा सीन शूट केला.    '

अनुरिता ही 'आश्रम 3' मध्ये कविता या भूमिकेत दिसणार आहे. MX Player वर  ही सीरिज रिलीज होणार आहे. ड्रग्स, गुंड आणि राजकारण या सर्व गोष्टींवर आधारित असलेल्या आश्रम सीरिजच्या तिसऱ्या सिझनमध्ये नक्की काय दाखवले जाईल? याबाबत सध्या प्रेक्षक विचार करत आहेत. त्रिधा चौधरी, अदिती सुधीर पोहनकर आणि तुषार पांडे यांनी आश्रम सीरिजमध्ये काम केलं आहे. 

बॉबीनं शेअर केला होता मोशन पोस्टर 
काही दिवसांपूर्वी बॉबीनं या सीरिजचा मोशन पोस्टर सोशल मीडियावर शेअर केला होता. या पोस्टरमध्ये तीन लिहिलेलं दिसत आहे.  बॉबी देओलसोबतच  ईशा गुप्तानं देखील हा मोशन पोस्टर तिच्या इंस्टाग्राम अकाऊंटवरुन शेअर केला.  आश्रम या सीरिजच्या पहिल्या दोन सिझनमध्ये अभिनेता बॉबी देओलनं बाबा निराला ही भूमिका साकारली आहे. काशीपूर येथील एका काल्पनिक कथेवर या सीरिजचं कथानक आधारित आहे. 
 

हेही वाचा :