Amitabh Bachchan : बिग बींच्या घरात कोरोनाचा शिरकाव; बंगल्यावर काम करणारा एक कर्मचारी कोरोनाबाधित

अमिताभ बच्चन (Amitabh Bachchan) यांच्या बंगल्यावर काम करणारा एक कर्मचाऱ्याला कोरोनाची लागण झाली आहे.

Amitabh Bachchan

Amitabh Bachchan :  : देशभरात कोरोनाबाधितांच्या संख्येत सातत्याने वाढ होत आहे. बॉलिवूडचे महानायक अमिताभ बच्चन (Amitabh Bachchan) यांच्या बंगल्यावर काम करणारा एक कर्मचाऱ्याला कोरोनाची लागण झाली आहे.  अमिताभ यांच्या प्रतीक्षा आणि जलसा या बंगल्यात काम करणाऱ्या सेक्युरिटी गार्ड, माळी व इतर कर्मचाऱ्यांच्या रुटीन टेस्ट करण्यात येतात. यामध्ये 31 जणांच्या कोरोना चाचण्या करण्यात आल्या त्यातील एक जण कोरोना पॉझिटिव्ह आल्याची माहिती बीएमसी कडून मिळाली आहे. या दोन बंगल्यामध्ये पॉझिटिव्ह रुग्ण हा माळी म्हणून काम करतो. या रुग्णाला कुठलीही लक्षणं दिसत नाहीयेत. 

सध्यातरी बच्चन कुटुंबिय पॉझिटिव्ह आलेल्या रुग्णाच्या संपर्कात नसल्याने बच्चन कुटुंबिय सदस्यांची कोरोना चाचणी करण्यात आलेली नाही. बीएमसी कडून सॅनिटायजेशन व इतर खबरदारीच्या उपाययोजना केल्या गेल्या आहेत.

गेल्या वर्षी 11 जुलैला अमिताभ यांना कोरोनाची लागण झाली होती. त्यांना नानावटी या रूग्णालयात दाखल करण्यात आले होते. अमिताभ बच्चन हे जवळपास एक महिना नानावटी रूग्णालयात उपचार घेत होते. चार दिवसांनंतर अभिषेक बच्चन, ऐश्वर्या राय आणि अमिताभ यांची नात आराध्याला देखील कोरोनाची लागण झाली होती.

अमिताभ बच्चन यांचे आगामी चित्रपट

अमिताभ बच्चन यांचा  ब्रह्मास्त्र हा चित्रपट लवकरच प्रेक्षकांच्या भेटीस येणार आहे. या चित्रपटात अमिताभ यांच्यासोबतच अभिनेता रणबीर कपूर आणि अभिनेत्री आलिया भट हे देखील प्रमुख भूमिकेत दिसणार आहेत. तसेच अमिताभ यांच्या 'द इंटर्न' या आगामी चित्रपटाची त्यांचे चाहते उत्सुकतेने वाट पाहात आहेत. 

महत्त्वाच्या इतर बातम्या : 

मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह