Gautami Patil : 'गौतमी पाटीलपेक्षा दुसरा चांगला पर्याय महाराष्ट्रात नाही', मराठी अभिनेत्याचं वक्तव्य चर्चेत
Gautami Patil : गौतमी पाटीलपेक्षा दुसरा चांगला पर्याय महाराष्ट्रात नाही, असं वक्तव्य एका मराठी अभिनेत्याने केलं आहे.
Gautami Patil : गौतमी पाटीलचा (Gautami Patil) एक मोठा चाहतावर्ग महाराष्ट्रात आहे. तिच्या कार्यक्रमांना होणारी तुंडुंब गर्दीही त्याचं उत्तर देते. त्यामुळे तिचा कार्यक्रम पाहण्याची प्रत्येकाला इच्छा असते. हीच गौतमी पाटील आता मोठ्या पडद्यावर एका गाण्यातून प्रेक्षकांच्या भेटीला येणार आहे. सध्या मराठी सिनेमातलं तिचं एक गाणं बरंच गाजतंय.
लाईक आणि सब्सक्राईब या सिनेमात अभिनेता अमेय वाघसोबत गौतीमी थिरकताना दिसतेय. लिंबू फिरवलं असं या गाण्याचं नाव असून सोशल मीडियावरही या गाण्याची बरीच चर्चा सुरु आहे. नुकताच या सिनेमाच्या ट्रेलर लॉन्च सोहळा पार पडला. यावेळी अमेय मात्र गौमतीवर केलेल्या वक्तव्याने साऱ्यांचं लक्ष वेधून घेतलं आहे. गौतमी पाटीलशिवाय दुसरा चांगला पर्याय महाराष्ट्रात नाही, त्याचप्रमाणे जशी तिच्या कार्यक्रमांना गर्दी होते, तशीच मराठी सिनेमांना व्हावी असं वक्तव्य अमेयने केलं आहे.
गौतमीशिवाय दुसरा चांगला पर्याय नाही - अमेय वाघ
गौतमीसोबत काम करण्याच्या प्रश्नावर उत्तर देताना अमेयने म्हटलं की, 'या सिनेमात जो प्रसंग आहे, त्यासाठी गौतमी पाटीलपेक्षा दुसरा चांगला पर्याय महाराष्ट्रात नाही. अगदी लहानांपासून ते मोठ्यांपर्यंत गौतमीचे चाहते आहेत आणि हे सगळ्यांनाच माहितेय. जिथे तिचा कार्यक्रम असतो,तिथे अगदी लोकं झाडावर देखील बसलेली असतात, कुठे छपरावरही बसलेली असतात. तिला बघायला लोकांची खूप गर्दी जमलेली असते. पण जशी तिच्या कार्यक्रमांना गर्दी होते, तशीच मराठी सिनेमांना देखील व्हावी. मी मी थिएटरच्या आसपास छप्पर आणि झाडांची सोय करतो. त्याची तिकीटंही विकतो. पण त्यासाठी तरी सगळ्यांनी 'लाइक आणि सबस्क्राइब' सिनेमा बघण्यासाठी थिएटरमध्ये यायला हवं'
गौतमीचा कार्यक्रम पाहण्याची अमेयची इच्छा
गाण्याच्या शूटनंतर गौतमीकडून तिच्या कार्यक्रमांचं काही आमंत्रण वैगरे आलं का? यावर बोलताना अमेय वाघने म्हटलं की, 'मीच तिला शुटींगच्या वेळी म्हटलं की, मला तुझे कार्यक्रम पाहायला यायचं आहे. कारण मी ते सगळे व्हिडीओ पाहिले आहेत. ते वातावरण खूप भारी असतं. सगळे फॅन्स कुठून कुठून आलेले असतात. कोण छतावर बसलं असतं, कोण झाडावर बसलेलं असतं. त्यामुळे एकदा मी जाईन तिचा शो बघायला. '
ही बातमी वाचा :
Amey Wagh : 'मला तुझ्या डान्सचा लाईव्ह शो पाहायचाय', अमेय वाघने गौतमी पाटीलजवळ व्यक्त केली इच्छा
महत्त्वाच्या बातम्या
