Gangubai Kathiawadi’s Song Dholida : 'ढोलिडा' गाण्यात दिसला आलिया भट्टचा डॅशिंग अवतार, 'गंगूबाई काठियावाडी'चं नवं गाणं पाहिलंत का?

Dholida Song : आलिया भट्टवर चित्रित केलेले हे गाणे पाहिल्यानंतर प्रेक्षकांमध्ये चित्रपट पाहण्याची उत्सुकता स्पष्टपणे दिसून येत आहे. आलियाच्या या गाण्यावर लोक आपल्या प्रतिक्रिया देत आलियाचे कौतुक करत आहेत.

gangubai-kathiawadi

Dholida Song :  बॉलिवूड अभिनेत्री आलिया भट्ट (Alia Bhatt) सध्या तिचा आगामी बहुप्रतिक्षित 'गंगूबाई काठियावाडी' (Gangubai Kathiawadi) या चित्रपटाच्या प्रदर्शनाची आतुरतेने वाट पाहत आहे. चित्रपटाच्या ट्रेलरनंतर आता या चित्रपटातील पहिले गाणे रिलीज करण्यात आले आहे. 'ढोलिडा' (Dholida) असे या गाण्याचे नाव असून, हे गाणे आलिया भट्टवर चित्रित करण्यात आले आहे. मंगळवारी आलियाने तिच्या इंस्टाग्राम अकाउंटवर एका पोस्टद्वारे गाण्याची पहिली झलक दाखवली, तेव्हापासून आलियाचे चाहते तिचे गाणे पाहण्यासाठी उत्सुक होते. आता हे गाणे रिलीज झाल्यानंतर आलिया आणि गाण्याला चांगला प्रतिसाद मिळत आहे.

गाण्याबद्दल सांगायचे तर, यामध्ये आलिया भट्ट पांढऱ्या साडीमध्ये अतिशय डॅशिंग स्टाईलमध्ये रस्त्यावरून जाताना दिसत आहे. सर्वजण तिला नमस्कार करत आहेत. आलिया भट्टला अनेक महिलांनी घेरले आहे, ज्या आनंदाने जल्लोष करत आहेत. या गाण्याला आलियाच्या खास लूक आणि डान्सने चार चांद लावले आहेत.

पाहा गाणे :

क्रिती महेशने आलियाचे 'ढोलिडा' गाणे कोरिओग्राफ केले आहे. हे गाणे साहिल हाडा यांनी संगीतबद्ध केले असून जान्हवी श्रीमनकरने गायले आहे. आलिया भट्टवर चित्रित केलेले हे गाणे पाहिल्यानंतर प्रेक्षकांमध्ये चित्रपट पाहण्याची उत्सुकता स्पष्टपणे दिसून येत आहे. आलियाच्या या गाण्यावर लोक आपल्या प्रतिक्रिया देत आलियाचे कौतुक करत आहेत.

काय आहे चित्रपटाची कथा?

आलिया भट्टचा हा चित्रपट बायोग्राफिकल ड्रामा आहे. आलिया भट्ट या चित्रपटात गंगूबाई काठियावाडी ही भूमिका साकारत आहे. गंगूबाईला तिच्याच नवऱ्याने 500 रुपयांना विकले होते.  या चित्रपटाची कथा लेखक हुसैन झैदी यांच्या 'माफिया क्वीन्स ऑफ मुंबई' या पुस्तकावर आधारित आहे. गंगूबाईंच्या आयुष्यातील प्रत्येक पैलूला स्पर्श करण्याचा प्रयत्न या चित्रपटात करण्यात आला आहे. एक सामान्य मुलगी कामाठीपुराची क्वीन कशी बनते, हे सर्व या चित्रपटात पाहायला मिळेल.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha