बॉलिवूडमध्ये येतोय जबरदस्त अ‍ॅक्शन थ्रिलर! आलिया भट्टचा कधी न पाहिलेला अंदाज, कधी रिलीज होणार?

आतापर्यंत रोमँटिक आणि भावनिक भूमिका साकारलेल्या आलियाचा हा कधीही न पाहिलेला अ‍ॅक्शन अवतार असल्याने चाहत्यांची उत्सुकता आणखी वाढली आहे.

Alia BHatt

Source : ABPLIVE AI

Alpha Poster Out: बॉलिवूडमध्ये लवकरच एक दमदार अ‍ॅक्शन थ्रिलर प्रेक्षकांच्या भेटीला येणार आहे. यश राज फिल्म्सच्या बहुप्रतिक्षित ‘अल्फा’ या चित्रपटाची थिएटर रिलीजची तारीख अधिकृतपणे जाहीर करण्यात आली आहे. अभिनेत्री आलिया भट्ट प्रमुख भूमिकेत असलेला हा चित्रपट 10 जुलै 2026 रोजी चित्रपटगृहांमध्ये प्रदर्शित होणार आहे. या घोषणेसोबतच चित्रपटाचा नवीन टीझर पोस्टरही सोशल मीडियावर शेअर करण्यात आला असून त्यामधील आलिया भट्टचा लूक सध्या जोरदार चर्चेत आहे. ( Bollywood Action Thriller)

आलिया भट्टचा ‘अल्फा’ अवतार 

या पोस्टरमध्ये आलिया भट्टचा एक वेगळाच आणि आक्रमक अवतार पाहायला मिळतो. तिच्या चेहऱ्यावर जखमा आणि कट्सच्या खुणा दिसत असून ती एखाद्या तीव्र संघर्षातून बाहेर पडल्यासारखी दिसते. या लूकमुळे चित्रपटात प्रेक्षकांना भरपूर अ‍ॅक्शन आणि थरार पाहायला मिळणार असल्याची उत्सुकता निर्माण झाली आहे. आतापर्यंत रोमँटिक आणि भावनिक भूमिका साकारलेल्या आलियाचा हा कधीही न पाहिलेला अ‍ॅक्शन अवतार असल्याने चाहत्यांची उत्सुकता आणखी वाढली आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Yash Raj Films (@yrf)

‘अल्फा’ या चित्रपटात आलिया भट्टसोबत अभिनेत्री शर्वरी देखील महत्त्वाच्या भूमिकेत झळकणार आहे. या दोघींचा सामना अभिनेता बॉबी देओलसोबत होणार असल्याचे सांगितले जात आहे. त्यामुळे चित्रपटात दमदार अ‍ॅक्शन सीन्स आणि तुफान संघर्ष पाहायला मिळणार आहे. याशिवाय ज्येष्ठ अभिनेता अनिल कपूर देखील या चित्रपटात महत्त्वाची भूमिका साकारत आहेत. या चित्रपटाचे दिग्दर्शन शिव रवैल यांनी केले आहे. त्यांनी यापूर्वी लोकप्रिय ठरलेली ‘द रेलवे मेन’ ही वेब सिरीज दिग्दर्शित केली होती. तर या चित्रपटाची निर्मिती आदित्य चोप्रा यांनी केली आहे. विशेष म्हणजे ‘अल्फा’ हा आलिया भट्टचा यश राज फिल्म्ससोबतचा पहिलाच चित्रपट आहे. महिला-प्रधान अ‍ॅक्शन थ्रिलर म्हणून ओळखला जाणारा हा चित्रपट प्रेक्षकांसाठी मोठा अ‍ॅक्शन अनुभव ठरणार आहे. त्यामुळे आता 10 जुलै 2026 रोजी हा चित्रपट थिएटरमध्ये प्रदर्शित झाल्यानंतर बॉक्स ऑफिसवर कसा प्रतिसाद मिळतो, याकडे सर्वांचे लक्ष लागले आहे.