Bigg Boss Marathi 6: बिग बॉसच्या घरात ‘लाइव्ह कॉन्सर्ट’! अभिजितच्या एन्ट्रीने सगळेच झाले फॅन; हे 'एव्हरग्रीन' गाणं म्हणत दिला सुखद धक्का
दरम्यान, फिनालेपूर्वी बिग बॉसच्या घरात कल्ला आणि मस्ती करण्यासाठी बिग बॉस सिझन 5च्या काही स्पर्धकांनी घरात प्रवेश केला.
Bigg Boss Marathi 6: बिग बॉस मराठीचा प्रवास अगदीच काही दिवसांनी संपणार आहे. या आधी जुन्या स्पर्धकांना बिग बॉसच्या पुन्हा एकदा या जादुई घरात जाण्याची संधी मिळाली आणि याच संधीच सोनं करत गायक अभिजीत सावंतने (Abhijeet Sawant) घरातल्या सगळ्या मित्र मैत्रिणीना सुखद धक्का दिला आहे. घरात जाऊन त्याने एक खास गाणं देखील परफॉर्म केलं आणि पुन्हा एकदा सगळ्यांची मन जिंकून घेतली. (Bigg Boss Marathi 6)
बिग बॉस मराठीचा सहावा सिझनचा ग्रँड फिनाले लवकरच पार पडणार आहे. टॉप 5 स्पर्धकांमधून कोणता स्पर्धक बिग बॉसची ट्रॉफी उचलणार, याकडे सर्वांच्याच नजरा आहेत. न्वी कोलते, राकेश बापट, अनुश्री माने, विशाल कोटियन आणि दिपाली सय्यदमधून कोण ट्रॉफी जिंकणार, हे लवकरच समोर येईल. दरम्यान, फिनालेपूर्वी बिग बॉसच्या घरात कल्ला आणि मस्ती करण्यासाठी बिग बॉस सिझन 5च्या काही स्पर्धकांनी घरात प्रवेश केला. याचा प्रोमो सोशल मीडियात व्हायरल होत आहे.
अभिजितच्या एन्ट्रीने प्रेक्षकांना सुखद धक्का
अभिजीत मागच्या पर्वाचा उपविजेता ठरला आणि त्याने जगभरातील प्रेक्षकांना बिग बॉसमधून भुरळ घातली होती आणि आता अभिजीतला पुन्हा एकदा या घरात जाण्याची संधी बिग बॉस मराठीमुळे मिळाली. घरात जाऊन बाकी मित्र मैत्रिणीना सल्ले तर दिले पण त्याने अशी एक अनपेक्षित गोष्ट केली ज्याने घरातली सगळे सदस्य आणि प्रेक्षकांना सुखद धक्का बसला आहे.
View this post on Instagram
बिग बॉस मराठीच्या नव्या प्रोमो मध्ये अभिजीतने घरात जाऊन घरातल्या सगळ्या साठी " तुम बिन" सिनेमातील एक खास गाणं गायलं आहे. हा क्षण अगदी सगळ्यांना मंत्रमुग्ध करणार आहे यात शंका नाही.बिग बॉसने याचा प्रोमो सोशल मीडियावर शेअर केला आहे. या प्रोमोला हटके कॅप्शनही देण्यात आलं आहे.आजवर अभिजीतने जगभरातील प्रेक्षकांना त्याचा सुमधुर आवाजाने भुरळ घातली आहे आणि आता बिग बॉस मराठीच्या घरात देखील त्याचा जादुई आवाजाने प्रेक्षक खुश होणार आहेत.बिग बॉस सिझन 6 चा ग्रँड फिनाले 19 एप्रिल रोजी पार पडणार आहे. ग्रँड फिनाले सोहळा आपल्याला कलर्स मराठी आणि जिओ हॉटस्टारवर पाहता येईल.
महत्त्वाच्या बातम्या
