Aai Kuthe Kay Karte : ‘ते स्थान केवळ अनिरुद्धचं..’, आशुतोषचं प्रेम स्वीकारण्यास अरुंधतीचा नकार!

Aai Kuthe Kay Karte : आजवर अरुंधतीने आपली स्वप्न, आवडीनिवडी बाजूला सारुन कुटुंबाला सर्वस्व मानलं. मात्र, आता अरुंधतीच्या स्वप्नांना नवी भरारी मिळाली आहे.

Aai Kuthe Kay Karte

Aai Kuthe Kay Karte : ‘आई कुठे काय करते’ (Aai Kuthe Kay Karte) या मालेक्त सध्या बरीच नवी वळणं पाहायला मिळत आहेत. एका सामान्य कुटुंबातील आई जेव्हा चौकट मोडून बाहेर पडते, तेव्हा कुटुंबाचं काय होतं, हे या मालिकेत दाखवण्यात आलं आहे. सध्या मालिकेने एक नवं वळण घेतलं आहे. ‘आई’ अर्थात अरुंधती आता देशमुखांच्या घर्तून बाहेर पडली आहे. मात्र, या नंतर तिला अनेक नव्या आव्हानांचा सामना करावा लागत आहे.

आजवर अरुंधतीने आपली स्वप्न, आवडीनिवडी बाजूला सारुन कुटुंबाला सर्वस्व मानलं. मात्र, आता अरुंधतीच्या स्वप्नांना नवी भरारी मिळाली आहे. तिच्या या प्रवासात अप्पा आणि आशुतोष नेहमीच तिच्या सोबत असणार आहेत.

देशमुखांच्या घरातून बाहेर पडलेली अरुंधती आता आशुतोषच्या मदतीने आपलं स्वप्न पूर्ण करत आहे. आपला अपमान विसरून अरुंधती आता एका नव्या ध्येयाच्या दिशेने वाटचाल करत आहे. या प्रवासाची सुरुवात तिने देशमुखांच्या घरातून वेगळं होण्यापासून केली आहे. ‘समृद्धी’ बंगला सोडून आता अरुंधती स्वतःच्या वेगळ्या घरात राहायला गेली आहे. मात्र, या घरातही अभिषेकने तिचा अपमान केला. यानंतर घरच्यांचे गैरसमज दूर करण्यासाठी आशुतोष देशमुखांच्या घरी जातो.

अरुंधती प्रेम नाकारणार!

या सगळ्यात अरूंधतीचा दोष नाही, हे समजावण्यासाठी तो देशमुखांच्या घरात जातो. मात्र, यावेळी अनिरुद्ध पुन्हा एकदा त्याच्याशी वाद घालायला लागतो. यावेळी चिडलेला आशुतोष देखील त्याचे अरूंधतीवर प्रेम आहे, याची कबुली देतो. हा सगळा वाद अरुंधती दाराबाहेर उभं राहून ऐकते. मात्र, बाहेर पडल्यानंतर ती आशुतोषला आपल्या आपण आयुष्यात केवळ अनिरुद्धवर प्रेम केले. अनिरुद्धची ही जागा मी कोणालाच देऊ शकत नाही. मात्र, मित्र म्हणून तुम्ही मला हवे आहात, असे सांगते. यामुळे आता अरुंधती आणि आशुतोषच्या मैत्रीचा नवा ट्रॅक मालिकेत पाहायला मिळणार आहे.   

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha