कॅन्सरशी झुंज अपयशी; प्रसिद्ध गायकाने घेतला अखेरचा श्वास, संगीत विश्वात शोककळा
Rock Music Icon Brad Arnold Dies: 3 डोअर्स डाउन बँडचे प्रमुख गायक ब्रॅड अर्नोल्ड यांचे निधन झाले. स्टेज 4 किडनी कॅन्सरशी झुंज त्यांची अपयशी ठरली.
3 Doors Down Frontman Brad Arnold Death News: रॉक म्युझिकला एक नवीन ओळख देणारे प्रसिद्ध गायक ब्रॅड अर्नोल्ड यांचे शनिवारी निधन झाले. वयाच्या 47 व्या वर्षी त्यांनी अखेरचा श्वास घेतला. त्यांच्या अनोख्या आवाजाने तरूणांच्या ह्रदयावर खोलवर छाप सोडली. ग्रॅमी नामांकित 3 डोअर्स डाउन बँडचे प्रमुख गायक ब्रॅड अर्नोल्ड यांनी काही महिन्यांपूर्वी खुलासा केला होता की, ते स्टेज 4 किडनी कॅन्सरशी झुंज देत आहेत. त्यांनी धैर्याने या आजाराचा सामना केला. परंतु, त्यांचं निधन झालं. बँडने त्यांच्या मृत्यूची पुष्टी करणारे अधिकृत निवेदन प्रसिद्ध केले. त्यांनी आपल्या निवेदनात ब्रॅड अर्नोल्ड यांच्या निधनाची बातमी दिली. त्यांच्या निधनानंतर संगीत विश्वाला मोठा धक्का बसला आहे.
बँडने निवेदनात म्हटलं की, "कर्करोगासारख्या गंभीर आजाराशी झुंज दिल्यानंतर गायक ब्रॅड अर्नोल्ड यांचे निधन झाले. त्यांनी शनिवारी अखेरचा श्वास घेतला. त्यांनी झोपेतच जगाचा निरोप घेतला", अशी अधिकृत माहिती त्यांनी दिली. सध्या ही बातमी सोशल मीडियात वाऱ्यासारखी पसरली. त्यांच्या चाहत्यांनी दु:ख व्यक्त केलं.
3 डोअर्स डाऊन बँडने 1995 साली मिसिसिपीमध्ये आपला प्रवास सुरू केला होता. 1999 साली सुपरहिट गाण्यांमुळे त्यांना खरी ओळख मिळाली. त्यांच्या गाण्यांनी जगभरात धुमाकूळ घातला. Krypytonite या गाण्यामुळे त्यांना ग्रॅमी नामांकन देखील मिळाले होते.
विशेष म्हणजे, ब्रॅडने हे गाणं वयाच्या 15 व्या वर्षी, शाळेत गणिताचा तास सुरू असताना वर्गात कागदाच्या तुकड्यावर लिहिले होते. त्यांचा पहिला अल्बम द बेटर लाइफने सर्व रेकॉर्ड मोडले. या अल्बमची 60 लाखहून अधिक कॉपी मार्केटमध्ये विकली गेली. त्यानंतर 2003 साली When I'm Gone या गाण्यासाठी दुसरा ग्रॅमी नॉमिनेशन मिळाले होते. रॉक संगीताच्या जगतात त्यांचे स्थान निर्माण झाले. गाण्यांमुळे त्यांना वेगळी ओळख मिळाली.
ब्रॅड अर्नोल्डच्या आठवणींना उजाळा देत बँडने म्हटले की, 'गायकाने रॉक संगीताला एक नवीन ओळख दिली. सामान्य व्यक्तीला भावणारे, साधे आणि ह्रदयस्पर्शी गीत लिहिणे ही त्यांची खास खासियत होती. पोस्ट-ग्रंज म्यूजिकला घराघरात पोहचवण्याची महत्त्वाची भूमिकाही त्यांनी बजावली होती', असं त्यांनी आपल्या पोस्टमध्ये म्हटलं. ब्रॅड अर्नोल्ड यांच्या शानदार कारकिर्दीत त्यांच्या बँडने 6 स्टुडिओ अल्बम रिलीज केले. ब्रॅड अर्नोल्ड यांच्या निधनानंतर संगीत विश्वात भरून न निघणारी एक पोकळी निर्माण झाली असल्याचं बोललं जात आहे.
महत्त्वाच्या बातम्या
