![ABP Premium](https://cdn.abplive.com/imagebank/Premium-ad-Icon.png)
West Bengal : मुख्यमंत्रीपद टिकवण्यासाठी बालेकिल्ल्याचा आधार; ममता बॅनर्जी आज भवानीपूरमधून उमेदवारी अर्ज भरणार
पश्चिम बंगालच्या (West Bengal) मुख्यमंत्री ममता बॅनर्जी (Mamata Banerjee) पोटनिवडणुकीला सामोरं जात असून आज भवानीपूर (Bhawanipur) या आपल्या पारंपरिक मतदारसंघातून त्या अर्ज दाखल करणार आहेत.
![West Bengal : मुख्यमंत्रीपद टिकवण्यासाठी बालेकिल्ल्याचा आधार; ममता बॅनर्जी आज भवानीपूरमधून उमेदवारी अर्ज भरणार West Bengal Mamata Banerjee to file nomination for bypolls to Bhawanipur seat today West Bengal : मुख्यमंत्रीपद टिकवण्यासाठी बालेकिल्ल्याचा आधार; ममता बॅनर्जी आज भवानीपूरमधून उमेदवारी अर्ज भरणार](https://feeds.abplive.com/onecms/images/uploaded-images/2021/08/28/a617f4af8facfae95bff55366eecf300_original.jpg?impolicy=abp_cdn&imwidth=1200&height=675)
कोलकाता : पश्चिम बंगालच्या ममता बॅनर्जी आज भवानीपूर या त्यांच्या बालेकिल्ल्यातून आपला उमेदवारी अर्ज भरणार आहेत. भवानीपूर विधानसभा मतदारसंघासातील पोटनिवडणूकीसाठी 30 सप्टेंबरला मतदान होणार आहे. ममता बॅनर्जी या दुपारी 12.30 वाजता आपला उमेदवारी अर्ज भरणार आहेत. जर त्यांना बंगालच्या मुख्यमंत्रीपदावर कायम रहायचं असेल तर ही निवडणूक जिंकणं अनिवार्य आहे.
पश्चिम बंगालच्या विधानसभा निवडणुकीचा निकाल 2 मे रोजी जाहीर झाला. यामध्ये तृणमूलला घवघवीत यश मिळालं असलं तरी ममता बॅनर्जी यांना नंदीग्राममधून पराभवाला सामोरं जावं लागलं. यानंतरही ममता बॅनर्जी यांनी मुख्यमंत्रीपदाची शपथ घेतली. सध्या ममता बॅनर्जी या विधानसभेच्या सदस्या नाहीत. त्यामुळे मुख्यमंत्री पदाच्या शपथेनंतर सहा महिन्याच्या आत त्यांना विधानसभेवर निवडून येणं आवश्यक आहे.
आपल्या मुख्यमंत्रीपदाची खुर्ची टिकवण्यासाठी आता ममता बॅनर्जी यांनी आपल्या पारंपरिक मतदारसंघाचा, भवानीपूरचा आधार घेतला असून या ठिकाणचे आमदार सोभन देव चटोपाध्याय आता खरदाह विधानसभा मतदारसंघातून निवडणूक लढणार आहेत. ममता बॅनर्जी यांनी या आधी भवानीपुरातून दोन वेळा विजय प्राप्त केला आहे. भवानीपूर सोबतच शमशेरजंग आणि जंगीपूर या जागांसाठी 30 सप्टेंबररोजी निवडणूक होणार आहे.
या पोटनिवडणुकीसाठी निवडणूक आयोगाने काही नियम व अटी लागू केल्या आहेत. प्रचारासाठी केवळ 50 टक्के लोकांचा सहभाग असेल, केवळ 20 स्टार प्रचारक प्रचार करतील आणि मतदान सपण्यापूर्वी आधी 72 तास प्रचार संपेल असे नियम निवडणूक आयोगाने घालून दिले आहेत.
महत्वाच्या बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)