Uttarakhand Election Result 2022 : उत्तराखंडमध्ये भाजप आणि काँग्रेसमध्ये चुरशीची लढत, थोड्याच वेळात चित्र होणार स्पष्ट
आज पाच राज्यांच्या विधानसभा निवडणुकांचे निकाल जाहीर होणार आहेत. यामध्ये उत्तराखंडचाही समावेश. उत्तराखंडमधील 70 जागांचे निकाल आज जाहीर होणार आहेत.
Uttarakhand Election Result 2022 : उत्तराखंडमध्ये विधानसभेच्या 70 जागांसाठी मतदान प्रक्रिया पार पडली होती. या सर्व जागांचे निकाल आज जाहीर होणार आहेत. आज सकाळी आठ वाजल्यापासून मतमोजणीला सुरुवात होणार आहे. उत्तराखंडमध्ये भाजप आणि काँग्रेस या दोन तगड्या पक्षांमध्ये चुरशीची लढत दिसून येत आहे. ज्यात जागांच्या टक्केवारीत भाजप किंचीत पुढे असून, जागांच्या बाबतीत मात्र काँग्रेसने बाजी मारल्याचे एक्झीट पोलमध्ये दिसत आहे.
उत्तराखंडमधील 70 विधानसभा जागांसाठी 14 फेब्रुवारी रोजी मतदान पार पडले. यंदा 65.37 टक्के मतदान झाले होते. त्यानंतर एक्झिट पोलचे आकडे समोर आले होते. त्यानुसार, भाजप आणि काँग्रेसमध्ये अटीतटीची लढत पाहायला मिळली आहे. ज्यात भाजप 40.8 टक्के मतांनी सरस ठरल्याचे दिसत असून, काँग्रेस 39.3 टक्के मतांनी दुसऱ्या क्रमांकावर आहे. तर आपला 8.7 टक्के आणि 11 टक्के जागा इतरांच्या पदरात पडल्याचे एक्झिट पोलमधून समोर येत आहे.
उत्तराखंडमध्ये कोणाला किती जागा मिळणार?
एकूण सीट - 70
भाजप - 31 ते 37
कांग्रेस - 30 ते 36
आप - 2 ते 4
अन्य - 0-1
2017 ची परिस्थिती
उत्तराखंडमध्ये 2017 च्या विधानसभा निवडणुकीच्या वेळी भाजपला बहुमत मिळालं होतं. भाजपने तब्बल 56 जागा जिंकत बहुमत मिळवलं होतं. काँग्रेसला मात्र 11 जागाच मिळवण्यात यश आलं होतं. तर तीन जागा अपक्ष उमेदवारांना मिळाल्या होत्या. उत्तराखंडमध्ये 2017 साली 65.56 टक्के मतदान झालं होतं तर यंदा मात्र 65.37 टक्के मतदानाची टक्केवारी आहे.
उत्तराखंड विधानसभेसाठी 14 फेब्रुवारीला मतदान झाले होते. उत्तराखंडमध्ये विधानसभेच्या 70 जागा आहेत. या सर्व जागांसाठी एकाट टप्प्यात मतदान प्रक्रिया पार पडली होती. मतदान झाल्यानंतर काँग्रेसचे ज्येष्ठ नेते आणि माजी मुख्यमंत्री हरीश रावत यांनी काँग्रेस बहुमताने उत्तराखंडमध्ये सत्तेत येणार असल्याचा दावा केला होती. उत्तराखंडमध्ये काँग्रेस 70 पैकी 48 जागा मिळणार असल्याचे रावत म्हणाले होते.
महत्त्वाच्या बातम्या:
महत्त्वाच्या बातम्या
