एक्स्प्लोर
दीपक केसरकर यांचे खंदे समर्थक बबन साळगावकर राष्ट्रवादी काँग्रेसच्या वाटेवर
पाच महिन्यापूर्वी बबन साळगावकर यांनी शरद पवार यांची आंबोली इथे भेट घेतली होती.
सिंधुदुर्ग : शिवसेनेचे सावंतवाडीचे नगराध्यक्ष बबन साळगावकर हे राष्ट्रवादी काँग्रेसच्या वाटेवर असल्याची चर्चा आहे. बबन साळगावकर यांना राष्ट्रवादी काँग्रेसकडून आमदारकीची ऑफर असल्याची चर्चा राजकीय गोटात रंगली आहे. येत्या काही दिवसातच बबन साळगावकर यांचा राष्ट्रवादी काँग्रेसमध्ये प्रवेश होणार आहे. विशेष म्हणजे खुद्द पक्षाध्यक्ष शरद पवार साळगावकर यांच्या प्रवेशासाठी सावंतवाडीत येण्याची शक्यता सूत्रांनी वर्तवली आहे. बबन साळगावकर हे सावंतवाडी विधानसभा मतदारसंघातून निवडणूक लढवणार असल्याची शक्यता आहे. साळगावकर यांनी तीन वेळा सावंतवाडीचं नगराध्यक्षपद भूषवलं आहे. दीपक केसरकर यांचे खंदे समर्थक अशी बबन साळगावकर यांची ओळख आहे. त्यामुळे त्यांना पक्षात घेऊन आगामी काळात दीपक केसरकरांना शह देण्यासाठी राष्ट्रवादीला साळगावकर यांचा उपयोग होण्याची शक्यता आहे. दरम्यान, पाच महिन्यापूर्वी बबन साळगावकर यांनी शरद पवार यांची आंबोली इथे भेट घेतली होती. त्या भेटीनंतरच ते राष्ट्रवादी काँग्रेसच्या वाटेवर असल्याचं म्हटलं जात आहे.
महत्त्वाच्या बातम्या
मुंबई
डेक्कन क्वीन आणि इंटरसिटी एक्सप्रेसची सेवा पूर्ववत, तिसऱ्या मार्गिकेचे काम सुरू,मध्य रेल्वेद्वारे दक्षिण-पूर्व घाटातील दुसऱ्या मार्गिकेची पुनर्स्थापना
भारत
मोहम्मद अली जौहर विद्यापीठावर बुलडोझर चालणार, 40 पैकी 38 इमारती जमीनदोस्त होणार, योगी आदित्यनाथ सरकारचा आदेश
राजकारण
... तर जनतेच्या मनात नेत्यांबद्दलचा विश्वास कमी होईल; मुख्यमंत्र्यांचं नाव घेत सुधीर मुनगंटीवारांनी स्पष्टच सांगितलं
व्यापार-उद्योग
देशातील पहिली हायड्रोजन ट्रेन जिंद ते सोनीपत दरम्यान धावणार, पंतप्रधान नरेंद्र मोदी 17 जुलै रोजी हिरवा झेंडा दाखवणार
