Punjab Election Result 2022 : लोकांचा निर्णय मान्य, पराभव स्वीकार करतो; कॅप्टन अमरिंदर सिंह यांची पहिली प्रतिक्रिया

Punjab Election Result 2022 : माजी मुख्यमंत्री कॅप्टन अमरिंदर सिंह यांना आपच्या उमेदवाराकडून पराभव स्वीकारावा लागला आहे. 

captain amarinder singh

Punjab Election Result 2022 : काँग्रेसमधून बंडखोरी करुन स्वतंत्र पक्ष काढलेल्या माजी मुख्यमंत्री कॅप्टन अमरिंदर सिंह यांना मतदारांनी चांगलाच दणका दिला आहे. आपच्या अजीत पाल सिंह यांनी कॅप्टन अमरिंदर सिंह यांचा तब्बल 14 हजार मतांनी पराभव केला आहे. कॅप्टन अमरिंदर सिंह यांच्यांसाठी हा मोठा धक्का मानला जातोय. मतदारांचा कौल आपण मान्य करत असल्याचं कॅप्टन अमरिंदर सिंह यांनी सांगितलं आहे. 

कॅप्टन अमरिंदर सिंह यांनी एक ट्वीट करुन आपला पराभव स्वीकार केला आहे. ते म्हणाले की, "लोकांचा निर्णय मी विनम्रपूर्वक स्वीकार करतो. पंजाबी लोकांनी धार्मिकता आणि जातीयवादाच्या पलिकडे जाऊन मतदान केलं आणि पंजाबियांची खरी भावना व्यक्त केली."

 

I accept the verdict of the people with all humility. Democracy has triumphed. Punjabis have shown true spirit of Punjabiyat by rising and voting above sectarian and caste lines.
Congratulations to @AAPPunjab and @BhagwantMann.

— Capt.Amarinder Singh (@capt_amarinder) March 10, 2022

पंजाबमध्ये आतापर्यंत सर्व म्हणजे 117 जागांचे कल हाती आले असून त्यामध्ये आप 91 जागांवर आघाडीवर आहे तर सत्ताधारी कॉंग्रेसचा चांगलाच धुव्वा उडाल्याचं स्पष्ट झालं आहे. काँग्रेसला केवळ 17 जागांवर आघाडी मिळाली असून भाजप 2 जागांवर पुढे आहे. 

पंजाबमध्ये आपची एकहाती सत्ता
पंजाबमध्ये आपने  91 जागावर आघाडी घेत एकहाती सत्ता मिळवल्याचं स्पष्ट झालं आहे. मुख्यमंत्रीपदाचे उमेदवार भगवंत मान यांनी मोठा विजय मिळवला आहे. 

काँग्रेसच्या हातून पंजाब का गेलं? 
काँग्रेसच्या हातात असलेले हे राज्य हातातून जाण्याची अनेक कारणं आहेत. यामध्ये महत्वाचं म्हणजे क्रिकेटर आणि मूळचे भाजपवासी नवज्योतसिंह सिद्धू यांना प्रदेश अध्यक्ष बनवले आणि मुख्यमंत्री अमरिंदर सिंह यांच्यापुढे आव्हान उभे केले. या दोघांमधून विस्तवही जात नसल्याने अमरिंदर सिंह यांनी मुख्यमंत्रीपदाचा राजीनामा दिला. त्यानंतर काँग्रेसने लगेचच चन्नी यांना मुख्यमंत्रीपदी बसवले. अमरिंदर सिंह यांनी स्वतःचा वेगळा पक्ष स्थापन केला असून भाजपसोबत युती करून निवडणुक लढवली. दिल्ली शीख गुरुद्वारा प्रबंधन कमिटीचे मनजिंदर सिंह सिरसाही भाजपमध्ये सामिल झाले.

महत्त्वाच्या इतर बातम्या :