एक्स्प्लोर

Lok Sabha Election Result 2024 : नांदेडमध्ये काँग्रेसचे वसंतराव चव्हाण विजयी चिखलीकरांना मोठा धक्का!

Nanded Lok Sabha Election Result 2024 : नांदेडमध्ये लोकसभा निवडणूक चांगलीच चुरशीची ठरली. या जागेवर वसंतराव चव्हाण आणि प्रतापराव चिखलीकर यांच्यात थेट लढत झाली.

By : अभिषेक एकबोटे, एबीपी माझा | Edited By: प्रज्वल ढगे | Updated at : 02 Jun 2024 04:55 PM (IST)

nanded Lok Sabha Constituency election result 2024 congress leader vasantrao chavan vs bjp leader pratap patil chikhalikar maharashtra loksabha winning candidate list marathi update nanded ashok chavan Lok Sabha Election Result 2024 : नांदेडमध्ये काँग्रेसचे वसंतराव चव्हाण विजयी चिखलीकरांना मोठा धक्का!

nanded lok sabha election 2024 result vasantrao chavan pratap chikhalikar ashok chavan (फोटो सौजन्य- एबीपी नेटवर्क)

Nanded Lok Sabha 2024 Result : यंदाच्या लोकसभा निवडणुकीत नांदेड हा मतदारसंघ (Nanded Lok Sabha Election) चर्चेच्या केंद्रस्थानी होता. येथे काँग्रेसचे उमेदवारी वसंतराव चव्हाण (Vasantrao Chavan) आणि भाजपचे उमेदवार प्रताप चिखलीकर (Pratap Patil Chikhalikar) यांच्यात थेट लढत झाली. अशोक चव्हाण (Ashok Chavan) यांच्यासाठी ही निवडणूक प्रतिष्ठेची होती. चिखलीकर यांच्या विजयासाठी भाजपच्या दिग्गजांनी नांदेडमध्ये सभा घेतल्या. तर दुसरीकडे महाविकास आघाडीच्याही बड्या नेत्यांनी चव्हाण यांच्यासाठी प्रचारसभा घेतल्या. पण मनोज जरांगे यांच्या मराठा आंदोलनामुळे तसेच वंचित बहुजन आघाडीच्या (VBA) उमेदमवारीमुळे मतांची गणितं बदलली आहेत. त्यामुळे या जागेवरून कोण निवडून येणार याकडे सर्वांचेच लक्ष लागले होते.दरम्यान, या जागेवर आता वसंतराव चव्हाण हे विजयी झाले आहेत. ते 59 हजार 442 मतांच्या फरकाने विजयी झाले आहेत.

उमेदवाराचे नाव	पक्ष	निवडणुकीचा निकाल
प्रतापराव चिखलीकर	भाजप	पराभव (469452 )
वसंतराव चव्हाण	काँग्रेस	विजयी (528894)

वसंतराव-प्रतापराव यांच्यात थेट लढत

नांदेडमध्ये प्रतापराव विरुद्ध वसंतराव चव्हाण यांच्यात यांच्यात थेट लढत झाली. या जागेवर वंचित बहुजन आघाडीनेही आपला उमेदवार उभा केला होता. दुसरीकडे वसंतरावांना मिळणारी काही मतं वंचितमुळे फुटण्याची शक्यता होती. पण तरीदेखील चव्हाण यांनी विजयी पताका फडकवली.

अशोक चव्हाण यांच्यासाठी निवडणूक प्रतिष्ठेची

अशोक चव्हाण यांनी काँग्रेसला सोडचिठ्ठी देत भाजपमध्ये प्रवेश केला. सध्या ते राज्यसभेत खासदार आहेत. दरम्यान, चव्हाण यांच्या भाजप प्रवेशानंतर आता ही लोकसभेची निवडणूक होत आहे. याआधी चिखलीकर आणि चव्हाण हे एकमेकांचे कट्टर राजकीय विरोधक म्हणून ओळखले जायचे. पण चव्हाण यांच्या भाजप प्रवेशामुळे चव्हाण आणि चिखलीकर यांनी एकत्र प्रचार केला. चव्हाण यांनी चिखलीकरांच्या पाठीमागे पूर्ण ताकद उभी केली. चव्हाण हे नांदेड जिल्ह्यातील मोठे राजकीय प्रस्थ आहे. या निवडणुकीच्या माध्यमातून त्यांना त्यांचे वजन दाखवण्याची संधी होती. त्यामुळेच चव्हाण यांच्यासाठी ही निवडणूक प्रतिष्ठेची मानली होती.

नांदेडमध्ये 1996 सालापासून प्रत्येक लोकसभा निवडणूक ही काँग्रेस विरुद्ध भाजप अशीच राहिलेली आहे. महाराष्ट्राच्या निर्मितीनंतर एकूण 16 निवडणुकींपैकी 4 निवडणुकीत काँग्रेसचा पराभव झालेला आहे. यंदाच्या लोकसभा निवडणुकीत नांदेड लोकसभा मतदारसंघा विशेष चर्चेत राहिला. या जागेवर महायुतीकडून भाजपचे नेते प्रताप चिखलीकर तर महाविकास आघाडीकडून वसंतराव चव्हाण यांना तिकीट दिले होते.

2019 साली काय निकाल आला?

नांदेडमध्ये 2014 सालची निवडणूक चांगलीच चुरशीची ठरली होती. या निवडणुकीत सध्या भाजपमध्ये असलेले खासदार अशोक चव्हाण हे काँग्रेसच्या तिकिटावर उभे होते. त्यावेळी चव्हाण यांनी ही जागा जिंकली होती. मोदी लाट असतानाही चव्हाण यांनी या जागेवर विजयी कामगिरी केली होती. 2019 साली मात्र काँग्रेसला ही जागा गमवावी लागली होती. या निवडणुकीत भाजपचे नेते प्रतापराव चिखलीकर हे खासदार झाले होते. चिखलीकर यांना एकूण 4 लाख 86 हजार 806 तर अशोक चव्हाण यांना 4 लाख 46 हजार 658 मतं पडली होती. तेव्हा विजयी मतांचा फरक 40 हजार 138 होता. या निवडणुकीत वंचित बहुजन आघाडीचे उमेदवार यशपाल भिंगे यांना 1 लाख 66 हजार 196 मते मिळाले होती.