Atul Deshmukh: खेड-आळंदीत शरद पवारांच्या शिलेदाराची बंडखोरी; मविआने डावललं अन् अतुल देशमुखांनी बंडखोरीचं उगारलं अस्त्र
Atul Deshmukh: बाबाजी काळेंनी अर्ज दाखल केला. मात्र, मविआने डावलले म्हणून अतुल देशमुखांनी बंडखोरीच अस्त्र उगारलं आहे. आता 4 नोव्हेंबरपूर्वी हे बंड थंड होणार की देशमुख आपल्या भूमिकेवर ठाम राहणार याकडे सर्वांचं लक्ष लागून आहे.
Khed Alandi Maharashtra Assembly Constituency: पुणे- खेड आळंदी विधानसभा मतदार संघात महायुती विरुद्ध महाविकास आघाडीचा उमेदवार ठरला असला तरी इथं नवा ट्विस्ट समोर आला आहे. शरद पवार गटातील अतुल देशमुखांनी बंडखोरी करत अपक्ष अर्ज दाखल केला आहे. यामुळं महाविकास आघाडीची डोकेदुखी वाढलेली आहे. अजित पवारांनी इथं दिलीप मोहिते पाटलांना पुन्हा एकदा संधी दिली आहे, तर महाविकास आघाडीकडून ऐनवेळी ही जागा शिवसेना उबाठा गटाला दिली. बाबाजी काळेंनी अर्ज दाखल केला. मात्र, मविआने डावलले म्हणून अतुल देशमुखांनी बंडखोरीच अस्त्र उगारलं आहे. आता 4 नोव्हेंबरपूर्वी हे बंड थंड होणार की देशमुख आपल्या भूमिकेवर ठाम राहणार याकडे सर्वांचं लक्ष लागून आहे.
यापूर्वी विधानसभेची निवडणूक लढविली
अतुल देशमुख यांनी याआधी खेड तालुक्यात यापूर्वी विधानसभेची निवडणूक लढवली होती. त्यांनी आमदार दिलीप मोहिते आणि स्वर्गीय माजी आमदार सुरेश गोरे यांच्या विरोधात निवडणूक लढवली होती. अतुल देशमुख यांनी अपक्ष असताना 55 हजार मते पडली होती. त्यामुळे पुन्हा एकदा देशमुख यांनी 2024 ची खेड विधानसभा निवडणूक पुन्हा लढवण्याचा निश्चय केल्याचं दिसून येत आहे. अतुल देशमुख यांनी आपण शरद पवारांच्या राष्ट्रवादी काँग्रेस राहणार असल्याचे म्हटलं आहे. त्यांनी मेळावा घेत आपली भूमिका जाहीर केली.
खेड आळंदी विधानसभा मतदारसंघात महाविकास आघाडीकडून शिवसेना उबाठा गटाला दिली आहे. यामुळे या ठिकाणी महाविकास आघाडीत बंडोखोरीची शक्यता आधीच वर्तवण्यात येत आहे. शरद पवार गटाच्या राष्ट्रवादी काँग्रेसचे नेते अतुल देशमुख यांनी शक्तीप्रदर्शन करत मेळावा घेतला होता.
2019 मध्ये काय झालं होतं...
खेड आळंदी मतदार संघात 2019 मध्ये राष्ट्रवादी काँग्रेसचे दिलीप दत्तात्रय मोहिते विजयी झाले होते. त्यांनी शिवसेना उमेदवार सुरेश नामदेव गोरे यांचा पराभव केला होता. दिलीप मोहिते यांना 96866 तर गोरे यांना 63624 मते मिळाली होती. त्यावेळी अपक्ष म्हणून निवडणूक रिंगणात उतरलेले अतुल देशमुख यांनी निवडणुकीत रंगत आणली होती. त्यांनी 53874 मते घेतली होती.
महत्त्वाच्या बातम्या
ट्रेंडिंग न्यूज
