Raj Thackeray : माझा आणि माझ्या पक्षाचा तुमच्या सरकारच्या उपक्रमांना पाठिंबा पण सरकार चुकतंय असं जाणवलं तर... राज ठाकरे काय म्हणाले?
Raj Thackeray : मनसे प्रमुख राज ठाकरे यांनी मुख्यमंत्री देवेंद्र फडणवीस यांचं अभिनंदन केलं आहे. तुमच्या सरकारच्या चांगल्या उपक्रमांना पाठिंबा असेल, असं ते म्हणाले.
मुंबई : देवेंद्र फडणवीस यांनी महायुतीच्या सरकारचे मुख्यमंत्री म्हणून शपथ घेतली. तर, राष्ट्रवादी काँग्रेसचे अध्यक्ष अजित पवार, शिवसेनेचे मुख्य नेते एकनाथ शिंदे यांनी उपमुख्यमंत्री म्हणून शपथ घेतली. या शपथविधी सोहळ्यानंतर महाराष्ट्र नवनिर्माण सेनेचे प्रमुख राज ठाकरे यांनी देवेंद्र फडणवीस, अजित पवार आणि एकनाथ शिंदे यांचं अभिनंदन केलं. याशिवाय सरकारच्या चांगल्या उपक्रमांना पाठिंबा असेल असं ते म्हणाले. सरकार चुकतंय, लोकांना गृहित धरतंय असं वाटलं तर विधिमंडळाबाहेर सरकारला त्यांच्या चुकांची जाणीव करुन देऊ, असं राज ठाकरे म्हणाले.
राज ठाकरेंचं ट्विट जसंच्या तसं...
आज माझे स्नेही आणि भारतीय जनता पक्षाचे महाराष्ट्रातील नेते श्री. देवेंद्र फडणवीस यांनी तिसऱ्यांदा मुख्यमंत्रीपदाची शपथ घेतली, याबद्दल त्यांचं अभिनंदन.
2019 ला खरंतर ही संधी त्यांना मिळायला हवी होती, पण तेंव्हा आणि पुढे 2022 मध्ये जे घडलं त्यामुळे ती संधी हुकली. असो, पण यावेळेस महाराष्ट्रातील जनतेने महायुतीला म्हणण्यापेक्षा देवेंद्र फडणवीस यांच्या नेतृत्वाला जे प्रचंड अविश्वसनीय बहुमत दिलं आहे, त्याचा या राज्यासाठी, इथल्या मराठी माणसांसाठी आणि मराठी भाषा आणि संस्कृतीसाठी तुम्ही योग्य वापर कराल अशी मी आशा करतो.
पुढची 5 वर्ष सरकारच्या कुठल्याही चांगल्या उपक्रमांना माझा, माझ्या पक्षाचा पाठींबा असेल.
पण सरकार चुकतंय, लोकांना गृहीत धरतंय असं जर जाणवलं, तर मात्र विधिमंडळात जरी सध्या शक्य नसलं तरी, विधिमंडळाच्या बाहेर मात्र आम्ही सरकारला त्यांच्या चुकांची जाणीव करून देऊ हे नक्की...
मुख्यमंत्री श्री. देवेंद्र फडणवीस, आणि उपमुख्यमंत्री श्री. एकनाथ शिंदे आणि श्री अजित पवार आणि तसंच भविष्यातील त्यांच्या मंत्रिमंडळातील सर्व सहकाऱ्यांना महाराष्ट्र नवनिर्माण सेनेच्या शुभेच्छा !
आज माझे स्नेही आणि भारतीय जनता पक्षाचे महाराष्ट्रातील नेते श्री. देवेंद्र फडणवीस यांनी तिसऱ्यांदा मुख्यमंत्रीपदाची शपथ घेतली, याबद्दल त्यांचं अभिनंदन.
— Raj Thackeray (@RajThackeray) December 5, 2024
२०१९ ला खरंतर ही संधी त्यांना मिळायला हवी होती, पण तेंव्हा आणि पुढे २०२२ मध्ये जे घडलं त्यामुळे ती संधी हुकली. असो, पण यावेळेस…
दरम्यान, महाराष्ट्राचे मुख्यमंत्री म्हणून देवेंद्र फडणवीस यांनी शपथ घेतली. याशिवाय अजित पवार, एकनाथ शिंदे देखील उपमुख्यमंत्री बनले. यानंतर तिघे मंत्रालयात दाखल झाले आहेत.
इतर बातम्या :
महत्त्वाच्या बातम्या
