Maharashtra Assembly Election Results 2024 : सुरुवातीच्या 125 कलांमध्ये महायुती आणि महाविकास आघाडीमध्ये निकराची झुंज; दिग्गज पिछाडीवर
Maharashtra Assembly Election Results 2024 : दरम्यान सुरुवातीचे 200 कल हाती आले असून यामध्ये महायुती आणि महाविकास आघाडीमध्ये निकराची झुंज असल्याचं दिसून येत आहे.
Maharashtra Assembly Election Results 2024 : राज्यात मतमोजणीला आज सकाळी आठ वाजल्यापासून प्रारंभ झाला असून पोस्टल मतदानामध्ये अनेक दिग्गजांना झटका बसला आहे. सुरुवातीच्या कलांमध्ये राज्यातील अनेक दिग्गज नेते पिछाडीवर आहेत. दरम्यान सुरुवातीचे 200 कल हाती आले असून यामध्ये महायुती आणि महाविकास आघाडीमध्ये निकराची झुंज असल्याचं दिसून येत आहे. महायुतीमध्ये भाजप सर्वाधिक जागांवर सुरुवातीच्या कलांमध्ये आघाडीवर दिसत आहेत. महाविकास आघाडीमध्ये सर्वाधिक आघाडीवर काँग्रेस आहे त्यामुळे एक्झिट पोल नुसार या दोन्ही आघाड्यांमध्ये निकराची झुंज असल्याचं दिसून येत आहे. दरम्यान सर्वाधिक लक्ष लागून राहिलेल्या माहीम विधानसभा मतदारसंघातून अमित ठाकरे आघाडीवर आहेत.
महाराष्ट्रातील 288 विधानसभा जागांसाठी मतमोजणी सुरू झाली आहे. पोस्टल मतपत्रिका प्रथम मोजण्यात आल्या. सकाळी 8.30 वाजता ईव्हीएम उघडले आहेत. महायुती आणि महाविकास आघाडी यांच्यातच लढत आहे. सुरुवातीच्या ट्रेंडमध्ये महायुती आघाडीवर आहे. मुख्यमंत्री एकनाथ शिंदे आघाडीवर आहेत. महायुतीमध्ये भाजप, शिवसेना (एकनाथ शिंदे) आणि राष्ट्रवादी (अजित पवार) यांचा समावेश आहे, तर महाविकास आघाडीमध्ये काँग्रेस, शिवसेना (उद्धव ठाकरे) आणि राष्ट्रवादी (शरद पवार) यांचा समावेश आहे.
20 नोव्हेंबर रोजी महाराष्ट्र विधानसभेच्या 288 जागांसाठी मतदान झाले होते. 2019 च्या तुलनेत यावेळी 5 टक्के जास्त मतदान झाले. 2019 मध्ये 61.4 टक्के मतदान झाले. यावेळी 65.11 टक्के मतदान झाले. मतदानाच्या दिवशी एक्झिट पोल आले. 11 पैकी 6 निवडणुकांमध्ये भाजप आघाडी म्हणजेच महायुती सरकार स्थापन करेल अशी अपेक्षा आहे. 4 निवडणुकांमध्ये महाविकास आघाडी (MVA) आणि एका मतदानात त्रिशंकू विधानसभा काँग्रेस आघाडीची शक्यता आहे.
इतर महत्वाच्या बातम्या
महत्त्वाच्या बातम्या
