Bhosari Vidhansabha election 2024 : भाजपच्या महेश लांडगेंची पुन्हा हॅट्रिक; अजित गव्हाणेंचा केला पराभव, भाजपने साधली संधी
Bhosri Vidhansabha election 2024 : भाजपने या मतदारसंघात पुन्हा एकदा विद्यमान आमदार महेश लांडगे यांना तिकीट दिले होते, तर महाविकास आघाडीकडून शरद पवारांच्या पक्षाने अजित गव्हाणेंना निवडणुकीत उतरवलं होतं.
पुणे : भोसरी मतदारसंघाची निवडणूक अत्यंत चुरशीची आणि चुरशीची आहे. निवडणूक जिंकण्यासाठी सर्वच उमेदवारांनी शर्थीचे प्रयत्न केले. मात्र, मतमोजणीनंतर भारतीय जनता पक्षाचे महेश किसन लांडगे यांनी ही जागा 63765 मतांनी जिंकली आहे. त्यांनी राष्ट्रवादी काँग्रेस शरद पवारांच्या उमेदवाराचा अजित दामोदर गव्हाणे यांचा पराभव केला आहे. यावेळी जनतेने भाजप उमेदवाराला 213624 तर राष्ट्रवादी काँग्रेस शरद पवारांच्या उमेदवाराला 149859 मते दिली. त्याच वेळी, एआयएमआयएमचे उमेदवार जावेद रशीद शहा तिसऱ्या क्रमांकावर होते, त्यांना केवळ 3117 मते मिळाली.
2009मध्ये अपक्ष उमेदवाराने ही जागा जिंकली होती. तर 2014 मध्ये महेश किसन लांडगे हे अपक्ष म्हणून लढताना विजयी झाले होते. विजयी झाल्यानंतर त्यांनी भाजपमध्ये प्रवेश केला. 2019 मध्ये त्यांना भाजपने तिकीट दिले आणि पुन्हा एकदा ही जागा जिंकली. या मतदारसंघात भाजपने पुन्हा एकदा महेश किसन लांडगे यांना उमेदवारी दिली आहे.
भोसरीतील बंडखोरी शमली
शरदचंद्र पवार पक्षाचे अधिकृत उमेदवार अजित गव्हाणे यांना माजी नगरसेवक रवी लांडगे यांनी पाठिंबा जाहीर केला होता. त्यामुळे या मतदारसंघातील बंडखोरी शमली होती. भोसरी मतदारसंघ शरद पवार यांच्या पक्षाला मिळाला आणि अजित गव्हाणे यांना उमेदवारी जाहीर झाली. यानंतर शिवसेना ठाकरे गटाचे रवी लांडगे यांनी उमेदवारी अर्ज दाखल केला. मात्र दोघांचे उमेदवारी अर्ज राहिल्यास महाविकास आघाडीला फटका बसण्याची शक्यता असल्याने रवी लांडगे यांनी अजित गव्हाणे यांना पाठिंबा देत आपला उमेदवारी अर्ज माघार घेणार असल्याचे सांगितले.
भोसरीतील लढत महायुतीतील भाजप विरूध्द महाविकास आघाडीतील राष्ट्रवादी कॉंग्रेस शरदचंद्र पवार पक्ष अशी झाली आहे. त्यामुळे विद्यमान आमदार महेश लांडगे पुन्हा एकदा हॅट्ट्रिक साधली आणि महाविकास आघाडीला मोठा धक्का दिला आहे. मात्र, दोन्ही उमेदवार भोसरीतील असून स्थानिक असल्याने चुरस वाढली होती. त्यामुळे भोसरीचा उमेदवार कोण याची उत्सुकता वाढली होती.
उमेदवारांची नावे
महाविकास आघाडीकडून भोसरी विधानसभा मतदारसंघातून राष्ट्रवादी काँग्रेस शरदचंद्र पवार पक्षाचे नेते अजित गव्हाणे यांना उमेदवारी देण्यात आली होती. तर महायुतीकडून पुन्हा एकदा भाजपचे नेते आणि विद्यमान आमदार महेश लांडगे यांना उमेदवारी देण्यात आलेली होती. महेश लांडगे यांनी विजयाचा गुलाल उधळला आहे.
2019 विधानसभा निवडणुकीत काय झालं?
भाजपचे महेश लांडगे यांना 159,295 मते मिळाली (विजयी) होती, तर अपक्ष उमेदवार विलास लांडे यांना 81,728 मते मिळाली. 2014 च्या महाराष्ट्र विधानसभा निवडणुकीत भाजपचे महेश लांडगे विजयी झाले होते.
महत्त्वाच्या बातम्या
