लायकीच्या पलीकडं जाऊन अजितदादांवर टीका करु नका, बुद्धी जागेवर येण्यासाठी रोहित पाटलांचं पाय धुवून पाणी प्या, मिटकरींचा आव्हाडांवर हल्लाबोल
जितेंद्र आव्हाडांनी लायकीच्या पलीकडे जाऊन अजित पवारांवर टीका करु नये, अशी टीका राष्ट्रवादी काँग्रेस अजित पवार गटाचे आमदार अमोल मिटकरी (Amol Mitkari) यांनी केली.
Amol Mitkari on Jitendra Awhad: जितेंद्र आव्हाड (Jitendra Awhad) हे सुरुवातीपासूनच अजित दादांवर द्वेष ठेवतात. अजितदादा पदावर असताना तेव्हा आव्हाडांची खिचडी पकली नाही अशा शब्दात राष्ट्रवादी काँग्रेस अजित पवार गटाचे आमदार अमोल मिटकरी (Amol Mitkari) यांनी आव्हाड यांच्यावर टीका केली. जितेंद्र आव्हाडांनी लायकीच्या पलीकडे जाऊन अजित पवारांवर टीका करु नये. बुद्धी जागेवर येण्यासाठी आव्हाडांनी रोहित पाटलांचं पाय धुवून पाणी आणि पिलं पाहिजे असा टोलाही मिटकरींनी लगावला.
आर.आर. आबा गृहमंत्री असताना त्यांना तातडीने सही कुणी करावी लावली. हे महाराष्ट्र समोर आलं पाहिजे. त्यासाठीच अजित पवारांच्या स्टाईलमध्ये ते केलेलं विधान होतं असेही अमोल मिटकरी म्हणाले. सांगवीत आज आयोजीत केलेल्या सभेत अजितदादांनी गतकाळातील वस्तुस्थिती सांगितली होती. अजितदादांच्या विधानाचा विपर्यास करण्यात येत आहे. जितेंद्र आव्हाडांनी रोहित पाटलांचे पाय धुवून पाणी पिलं पाहिजे असेही मिटकरी म्हणाले. आव्हाडांनी इथून पुढे तोंड सांभाळून बोलावं. आपापला मतदारसंघ सांभाळावा असेही मिटकरी म्हणाले.
नेमकं काय म्हणाले होते अजित पवार?
राष्ट्रवादी काँग्रेसचे अध्यक्ष अजित पवार आज तासगात माजी खासदार संजयकाका पाटील यांचा अर्ज भरण्यासाठी गेले होते. त्यावेळी दादांनी दिवंगत आर. आर. पाटील यांनी सिंचन घोटाळ्याच्या फाईलवर सही केल्याचा गौप्यस्फोट केला. यावेळी अजित पवार यांनी सांगली मधील सभेत सिंचन घोटाळ्याच्या प्रकरणी आर आर पाटील यांनी माझा केसाने गळा कापला असं वक्तव्य केलं. यावरुन आता आरोप-प्रत्यारोप सुरू झाले आहेत. देवेंद्र फडणवीस यांनी त्यांच्या बंगल्यावर बोलवून आर. आर. पाटील यांनीच तुमची खुली चौकशी करावी असे आदेश देत सही केल्याचे दाखवलं. ज्याच्यावर एवढा विश्वास ठेवला. एवढं सहकार्य केलं. त्यात आर. आर. पाटील यांनी माझा केसाने गळा कापला होता,असा गंभीर आरोप उपमुख्यमंत्री अजित पवार यांनी तासगाव येथे आयोजित करण्यात आलेल्या संजय काका पाटील यांच्या प्रचार शुभारंभ मेळाव्यातून केला. मुंबईत दहशतवादी हल्ल्यानंतर बडे बडे शहरो मे छोटे-छोटे हातसे होते रहते है असे म्हणाले आणि आर. आर. पाटील यांना कोणीतरी राजीनामा द्यायला सांगितला. आर आर पाटलांनी थेट राजीनामा देऊन अंजनी गाठले, त्यांच्या राजीनामाचे मला कल्पनाच दिली नाही. आर. आर. पाटील यांना तंबाखू खाऊ नको म्हणून कित्येक वेळा सांगितलं होतं. पण ते माझ्या माघारी हळूच तंबाखू खायचे, असं देखील अजित पवार म्हणाले.
महत्वाच्या बातम्या:
Ajit Pawar : आर. आर.पाटील यांनी माझा केसाने गळा कापला, सिंचन घोटाळ्याच्या फाईलवरील सही फडणवीसांनी दाखवली, अजित पवारांचा आरोप
महत्त्वाच्या बातम्या
