Akola East Assembly Election 2024: अकोला पुर्वमध्ये भाजपकडून रणधीर सावरकर 50613 मतांनी विजयी; कार्यकर्त्यांचा जल्लोष
Akola East Assembly Election 2024: या मतदारसंघातून माजी केंद्रीय राज्यमंत्री संजय धोत्रेंचे भाचे रणधीर सावरकर हे गेल्या दोन टर्मपासून आमदार आहेत.
Akola East Assembly Election 2024: अकोला जिल्ह्याची राजकीय राजधानी असलेला सर्वात मोठा आणि महत्वाचा मतदारसंघ म्हणजे अकोला पुर्व मतदारसंघ. शहरी आणि ग्रामीण तोंडवळा असलेला हा मतदारसंघ आहे. या मतदारसंघात अकोला महापालिकेचे 8 प्रभागासोबतच अकोला तालुक्याचा ग्रामीण भाग समाविष्ट आहे. या मतदारसंघातून माजी केंद्रीय राज्यमंत्री संजय धोत्रेंचे भाचे रणधीर सावरकर हे गेल्या दोन टर्मपासून आमदार आहेत. पक्ष तिसऱ्यांदाही त्यांनाच निवडणूकीत उतरवणार असल्याचे स्पष्ट होते. रणधीर सावरकर, गोपाल दातकर, ज्ञानेश्वर सुलताने अशी लढत झाली होती. त्यामध्ये भाजपाचे रणधीर सावरकर 50613 मतांनी विजयी झाले आहेत.
अकोला पुर्व :
एकूण मतदार : 355797
झालेले एकूण मतदान : 220360
नोटा : 1510
अवैध मते : 81
रद्द केलेली मते : 09
प्रमुख उमेदवारांना मिळालेली मते
उमेदवार पक्ष मिळालेली मते
रणधीर सावरकर भाजप 108619
गोपाल दातकर सेना ठाकरे 58006
ज्ञानेश्वर सुलताने वंचित 50681
भाजपाचे रणधीर सावरकर 50613 मतांनी विजयी झाले आहेत.
अकोला पुर्व मतदारसंघात 2019 मध्ये पहिल्या तीन उमेदवारांना मिळालेली मते
भाजपाचे रणधीर सावरकर 24,723 मतांनी विजयी
उमेदवार पक्ष मते
रणधीर सावरकर भाजप 100475
हरिदास भदे वंचित 75752
विवेक पारसकर काँग्रेस 9533
अकोला पूर्व मतदारसंघातील मतदारसंख्या :
स्त्री : 173510
पुरूष : 180165
तृतीयपंथी : 15
एकूुण : 353690
या मतदारसंघाची एकूण मतदारसंख्या 3 लाख 53 हजार 690 इतकी आहेय. 2014 मध्ये युतीत सेनेच्या ताब्यातील या मतदारसंघात पहिल्यांदाच भाजपचं कमळ फुललं. गेल्या दहा वर्षांत आमदार रणधीर सावरकर यांनी मतदारसंघावर चांगलीच पकड बसवलीय. जिल्ह्याच्या राजकारणात धोत्रे गटाचे 'चाणक्य' म्हणून जिल्ह्यात रणधीर सावरकर यांची ओळख आहे. नुकत्याच झालेल्या लोकसभा निवडणुकीच्या मतदारसंघात भाजपला 27 हजार मतांची आघाडी मिळाली होती. या निवडणुकीत ग्रामीण भागातील रस्त्यांची दुरावस्था, खारपाणपट्ट्याचा प्रश्न, त्याबरोबरच मोठे उद्योग नसल्याने वाढलेली बेरोजगारी हे प्रश्न आहेत. सध्या जिल्हा आणि भाजपाच्या राजकारणावर आमदार रणधीर सावरकर यांची मोठी पकड आहे. त्यामुळे आमदार सावरकर यांचे पक्षांतर्गत आणि पक्षाबाहेरचे विरोधक या मतदारसंघात मोठी ताकद लावली होती.
महत्त्वाच्या बातम्या
