(Source: Poll of Polls)
Maharashtra Lok Sabha Election Result 2024: रवींद्र वायकरांच्या विजयावरुन वायव्य मुंबईत वाद; जुने शिवसेनेचे कार्यकर्ते भिडले, पोलिसांचा लाठीचार्ज
Maharashtra Lok Sabha Election Result 2024: मुंबईतील वायव्य मुंबई लोकसभा मतदारसंघातून एक महत्वाची अपडेट समोर येत आहे.
Mumbai Lok Sabha Election Result 2024: मुंबई: महाराष्ट्राचे लोकसभा निकाल (Maharashtra Lok Sabha Election 2024) समोर आले आहेत. महाराष्ट्रात महाविकास आघाडीनं मोठी मुसंडी मारल्याचं पाहायला मिळत आहे. मुंबईतील जागांवरही ठाकरेंचा डंका पाहायला मिळाला. मात्र मुंबईतील वायव्य मुंबई लोकसभा मतदारसंघातून (Mumbai North West Lok Sabha Constituency Election Result 2024) एक महत्वाची अपडेट समोर येत आहे.
वायव्य मुंबई लोकसभेतून निवडणूकीच्या रिंगणात उतरलेले शिवसेना (शिंदे गट) आणि महायुतीचे उमेदवार रविंद्र वायकर ( (Ravindra Waikar) आणि शिवसेना (ठाकरे गट) आणि महाविकास आघाडीचे उमेदवार अमोल किर्तीकर (Amol Kirtikar) यांच्यात मतमोजणीच्या सुरुवातीपासूनच चुरस पाहायला मिळाली. मात्र अखेरच्या क्षणाला रवींद्र वायकर यांनी बाजी मारली आणि 48 मतांनी विजय मिळवला.
उत्तर-पश्चिम मतदारसंघात मोठा थरार
मुंबई उत्तर-पश्चिम मतदारसंघात नाट्यमयरित्या मोठा उलटफेर झाला. शिवसेना शिंदे गटाचे उमेदवार रविंद्र वायकर हे अवघ्या 48 मतांनी विजयी झाले आहेत. वायकर यांनी शिवसेना ठाकरे गटाचे उमेदवार अमोल किर्तीकर यांचा पराभव केला. याआधी अमोल कीर्तीकर 681 मतांनी विजयी झाले होते. त्यानंतर वायकरांनी फेरमतमोजणीची मागणी केली. यामध्ये वायकर हे 75 मतांनी आघाडीवर आले. त्यानंतर पोस्टल मतांची मोजणी करण्यात आली. मतमोजणी केंद्राच्या आतमध्ये कीर्तिकर आणि वायकर यांचे कार्यकर्ते आक्रमक भूमिकेत असल्याची माहिती समोर आली आहे. दोघांचे कार्यकर्ते एकमेकांना शिवीगाळ करत होते. तसेच दोन्ही गटांकडून जोरदार घोषणाबाजी करण्यात आली. यावेळी पोलिसांवर लाठीचार्ज करण्याची वेळ आली.
नेमकं काय घडलं?
मुंबई उत्तर-पश्चिम मतदारसंघात नाट्यमयरित्या मोठा उलटफेर झाला. शिवसेना शिंदे गटाचे उमेदवार रविंद्र वायकर (Ravindra Waikar) हे अवघ्या 48 मतांनी विजयी झाले आहेत. वायकर यांनी शिवसेना ठाकरे गटाचे उमेदवार अमोल किर्तीकर (Amol Kirtikar) यांचा पराभव केला. याआधी अमोल किर्तीकर 681 मतांनी विजयी झाले होते. त्यानंतर वायकरांनी फेरमतमोजणीची मागणी केली. यामध्ये वायकर हे 75 मतांनी आघाडीवर आले. त्यानंतर पोस्टल मतांची मोजणी करण्यात आली. आता किर्तीकर यांच्या आक्षेपानंतर बाद करण्यात आलेल्या 111 पोस्टल मतांची फेरमतमोजणी करण्यात आली. अखेर निवडणूक अधिकाऱ्यांनी 26 फेऱ्या आणि बाद करण्यात आलेल्या मतांची मोजणी करण्यात आल्यानंतर रविंद्र वायकर यांना 48 मतांनी विजयी झाल्याची घोषणा केली.
महत्त्वाच्या बातम्या
ट्रेंडिंग न्यूज
