Kolhapur Uttar Vidhan Sabha : कोल्हापूर उत्तरमध्ये काँग्रेसचं टेन्शन आणखी वाढलं; बंडखोर उमेदवार राजेश लाटकर नाॅट रिचेबल!
Kolhapur Uttar Vidhan Sabha : राजेश लाटकर अजूनही कोल्हापूर उत्तरमधून निवडणूक लढवणार ठाम असल्याची माहिती समोर आली आहे. आज उमेदवारी माघार घेण्याचा शेवटचा दिवस आहे.
Kolhapur Uttar Vidhan Sabha : कोल्हापूर उत्तर विधानसभा मतदारसंघामध्ये (Kolhapur Uttar Vidhan Sabha) अजूनही काँग्रेसचे टेन्शन काही कमी झालेलं नाही. आज (4 नोव्हेंबर) उमेदवारी अर्ज दाखल करण्यासाठी अखेरचे काही तास बाकी असतानाच कोल्हापूर उत्तरमधून उमेदवारी दाखल केलेल्या राजेश लाटकर यांनी काँग्रेसचे टेन्शन वाढवलं आहे. कोल्हापूर उत्तरमधून काँग्रेसकडून त्यांना उमेदवारी जाहीर करण्यात त्यानंतर अवघ्या काही तासांमध्ये उमेदवारी रद्द करून काँग्रेसकडून माजी आमदार मालोजीराजे छत्रपती यांच्या पत्नी मधुरिमाराजे छत्रपती यांना उमेदवारी देण्यात आली. मात्र, राजेश लाटकर यांनी निर्धार कायम ठेवत उमेदवारी अर्ज दाखल केला होता. दरम्यान, राजेश लाटकर अजूनही कोल्हापूर उत्तरमधून निवडणूक लढवणार ठाम असल्याची माहिती समोर आली आहे. आज उमेदवारी माघार घेण्याचा शेवटचा दिवस आहे. त्यामुळे लाटकर अज्ञातस्थळी पोहोचल्याने भूया उंचावल्या गेल्या आहेत.
षड्यंत्र रचून उमेदवारी रद्द करण्यात आली
रविवारी छत्रपती कुटुंबियांकडून राजेश लाटकर यांची भेट घेऊन त्यांची समजूत घालण्याचा प्रयत्न करण्यात आला होता. मात्र, यावेळी बोलताना राजेश लाटकर यांनी षड्यंत्र रचून आपली उमेदवारी रद्द करण्यात आली, असा थेट आरोप कोल्हापूरचे खासदार श्रीमंत छत्रपती शाहू महाराज यांच्यासमोर केला होता. लाटकर यांची समजूत काढण्यासाठी छत्रपती कुटुंबीयांकडून मालोजीराजे छत्रपती, मधुरिमाराजे, खासदार शाहू महाराज, राष्ट्रवादी काँग्रेस शरदचंद्र पवार पक्षाचे कोल्हापूर जिल्हाध्यक्ष व्ही. बी. पाटील आदी नेते त्यांच्या निवासस्थानी पोहोचले होते. त्यांची उमेदवारी मागे घेतली जाईल, अशी चर्चा त्यानंतर रंगली होती. मात्र नाॅटरीचेबल झाल्याने एक प्रकारे काँग्रेसचं टेन्शन वाढलं आहे.
मधुरिमाराजे निवडणुकीच्या रिंगणात का उतरल्या?
दरम्यान, 3 ऑक्टोबर रोजी शाहू महाराज यांनी सांगितले की, एका घराण्यातील व्यक्ती राजकारणात असेल तर पुष्कळ झालं, त्या दृष्टीने आमची हालचाली आणि वाटचाल सुरू होती. जनतेचं हित लक्षात घेऊनच आमची वाटचाल सुरू होती. पण जनतेचा रेटा होता. त्यामुळे आम्हाला मधुरीमाराजे छत्रपती यांना निवडणुकीला उतरावे लागले. दरम्यान, आमदार जयश्री जाधव यांच्याबाबत बोलताना ते म्हणाले की, जयश्री जाधव ह्या या ठिकाणी आल्या होत्या, पक्षाच्या वरिष्ठांची देखील त्यांचे बोलणे झाले असेल. त्या विद्यमान आमदार होत्या त्यामुळे त्यांचे तिकीट नाकारला असेल तर त्या नाराज असणार त्यात शंका नाही.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
