Ulhasnagar news : उल्हासनगरात अमानुष आणि धक्कादायक प्रकार! दोन कुत्र्यांना फाशी देऊन केले ठार

Ulhasnagar crime news : एका मादी कुत्रीला आणि तिच्या लहान पिल्लाला फाशी देऊन जीवे ठार मारण्यात आले आहे

Crime_Scene

Ulhasnagar news : उल्हासनगर शहरात अमानुष आणि धक्कादायक प्रकार समोर आलाय. इथे एका मादी कुत्रीला आणि तिच्या लहान पिल्लाला फाशी देऊन जीवे ठार मारण्यात आले आहे. दरम्यान या प्रकरणी प्राणिमित्र संघटनांनी उल्हासनगर हिललाईन पोलीस ठाण्यात तक्रार दिल्यानंतर पोलिसांनी एका अज्ञाता व्यक्तीवर गुन्हा दाखल करण्यात आला आहे. 

दोन कुत्र्यांना फाशी देऊन केले ठार

कॅम्प नंबर 5 च्या साईनाथ कॉलनी शनी मंदिराजवळ 16 मार्चच्या रात्री एक अमानुष आणि धक्कादायक प्रकार घडला आहे. इथे एका अज्ञात व्यक्तीने एका मादी कुत्रीला आणि तिच्या पिल्लाला झाडाला लटकवून गळफास देऊन जीवे ठार मारले आहे. ही घटना जेव्हा काही लोकांनी पाहिली तेव्हा अनेकांनी प्राणीमित्र संघटना याची माहिती दिली. शिवाय पीपल्स फॉर एनिमल ग्रुप या व्हाट्सअपग्रुप वर देखील मेसेज फिरू लागले. यातील एक शिक्षिका आणि प्राणीमित्र श्रुष्टी चुग यांना एक व्यक्तीने झाडाला दोन कुत्र्यांना लटकवण्यात आल्याची माहिती दिली, मात्र रात्रीचा वेळ असल्याने त्या जाऊ शकल्या नाहीत. मात्र 17 मार्चच्या सकाळी जाऊन चुग यांनी प्रत्यक्षात जाऊन पाहिले असता एक मादी कुत्री आणि पिल्लू त्यांना मृतावस्थेत आढळून आले. या दोन्ही कुत्र्याच्या गळ्या भोवती कापड अवळण्यात आला होता, शिवाय त्यांचे पाय हे तारेने बांधण्यात आले होते. यावरून या दोन्ही कुत्र्यांना फास दिला गेला असावा असा अंदाज व्यक्त केला जातोय. याप्रकरणी प्राणीमित्र श्रुष्टी चुग यांनी ज्यांनी कोणी हे कृत्य केले आहे त्याच्यावर कडक कारवाई केली जावे अशी मागणी केली आहे.

पोलीस ठाण्यात गुन्हा दाखल

दरम्यान आता या प्रकरणी सृष्टी यांच्या तक्रारीनंतर उल्हासनगर हिललाईन पोलिसांनी प्राण्यांचा छळ प्रतिबंधक अधिनियम 1960 आणि भादवी 429 नुसार अज्ञातावर गुन्हा दाखल केला असून आरोपीचा शोध सुरू केला आहे. या भागातील सीसीटीव्ही आणि इतर प्रत्यक्षदर्शींच्या माध्यमातून आरोपीला शोधून काढण्याचे काम पोलिसांनी सुरू केले आहे. मात्र पोलिसांनी या प्रकरणी प्रतिक्रिया देण्यास नकार दिला आहे.

महत्त्वाच्या बातम्या: