Solapur Crime News: सहा वर्षांपासून प्रेमसंबंध, मुलीच्या घरच्यांनी लग्नास दिला नकार, नैराश्यात गेलेल्या तरुणाने लॉज गाठलं अन्...; सोलापूरमध्ये खळबळ
Solapur Crime News: नात्यातील तरुणीने लग्नास नकार दिल्यानंतर मानसिक नैराश्यात गेलेल्या तरुणाने शहरातील एका लॉजमध्ये टोकाचं पाऊल उचलल्याची घटना सोलापूरमध्ये घडली आहे.
Solapur Crime News: नात्यातील तरुणीने लग्नास नकार दिल्यानंतर मानसिक नैराश्यात गेलेल्या तरुणाने शहरातील एका लॉजमध्ये आत्महत्या केल्याची धक्कादायक घटना उघडकीस आली आहे. हरीश भास्कर बंडी (वय 29, रा. वल्लभनगर, सोलापूर) असे मृत तरुणाचे नाव आहे.
याबाबत मिळालेल्या माहितीनुसार, हरीश बंडी आणि नात्यातीलच एका तरुणीचे मागील सहा वर्षांपासून प्रेमसंबंध होते. दोघांनी लग्न करण्याचा निर्णय घेतल्यानंतर, हरीशच्या कुटुंबीयांनी दोन वेळा मुलीच्या घरी जाऊन लग्नाबाबत चर्चा केली होती. मात्र, मुलीच्या आई-वडिलांनी पत्रिका जुळत नसल्याचे कारण देत लग्नास नकार दिला.
Solapur Crime News: नकारानंतर मानसिक तणाव
लग्नास नकार मिळाल्यानंतर हरीश बंडी हा मानसिक नैराश्यात गेला, अशी माहिती नातेवाईकांनी दिली. “आम्ही त्याला समजावण्याचा खूप प्रयत्न केला. ‘ती नाही तर दुसरी मुलगी पाहू’ असेही सांगितले, मात्र तो सतत तणावात होता,” असे मृत तरुणाच्या आईने सांगितले.
Solapur Crime News: लॉजमध्ये आढळला मृतदेह
हरीशने एकदा तरी मुलीशी समोरासमोर बोलू देण्याची विनंती केली होती. मात्र, ही मागणीही मुलीच्या कुटुंबीयांनी मान्य केली नाही. त्यानंतर मुलीचा मोबाईल बंद ठेवण्यात आला आणि तिने हरीशशी संपर्कही तोडल्याचा आरोप कुटुंबीयांनी केला आहे. या सर्व घटनांनंतर हरीश बंडीने शहरातील एका लॉजमध्ये जाऊन टोकाचे पाऊल उचलल्याचे समोर आले आहे. घटनेची माहिती मिळताच पोलिसांनी घटनास्थळी धाव घेऊन पंचनामा केला. पोलिसांकडून पुढील तपास सुरू आहे.
Solapur Crime News: खुनाचा गुन्हा दाखल करण्याची मागणी
दरम्यान, हरीशचा सर्वांनी गैरफायदा घेतला. त्याच्याकडील पैसे संपेपर्यंत त्याचा वापर करण्यात आला आणि नंतर त्याला एकटे सोडून देण्यात आले. आम्ही अनेक वेळा विनवण्या केल्या, हातापाया पडलो, तरीही मुलगी देण्यास स्पष्ट नकार देण्यात आला. यापुढे कोणत्याही तरुणाचा अशा प्रकारे वापर होऊ नये, यासाठी संबंधित मुलगी, तिचे आई-वडील आणि भावावर खुनाचा गुन्हा दाखल करण्यात यावा, अशी मागणी हरीशच्या नातेवाईकांनी केली आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
इतर महत्त्वाच्या बातम्या
महत्त्वाच्या बातम्या
