Rupali Chakankar On Ashok Kharat Case: बहिणीची 8 तास चौकशी, आता रुपाली चाकणकर मनातलं सगळं बोलून गेल्या, 28 दिवसांनी काय काय म्हणाल्या?
Rupali Chakankar On Ashok Kharat Case: प्रतिभा चाकणकर यांची पोलिसांनी तब्बल आठ तास चौकशी केली. प्रतिभा चाकणकरांच्या चौकशीनंतर आता रुपाली चाकणकर यांनी एक्सवर पोस्ट केली आहे.
Rupali Chakankar On Ashok Kharat Case: नाशिकमधील भोंदूबाबा अशोक खरात (Ashok Kharat) प्रकरणी शिर्डी पोलिसांनी या प्रकरणातील संशयित खातेदार प्रतिभा चाकणकर (Pratibha Chakankar) आणि तन्मय चाकणकर यांची 13 एप्रिलला शिर्डी पोलिसांनी तब्बल आठ तास चौकशी केली. चौकशीनंतर माध्यमांशी बोलताना त्यांनी, कधीही समता पतसंस्थेत खाते उघडलेले नाही किंवा तेथे गेलेले नाहीत. तसेच दिलेला पत्ताही चुकीचा असल्याचं प्रतिभा चाकणकरांनी चौकशीनंतर सांगितले. (Rupali Chakankar On Ashok Kharat Case)
प्रतिभा चाकणकरांच्या चौकशीनंतर आता रुपाली चाकणकर (Rupali Chakankar) यांनी एक्सवर पोस्ट केली आहे. यामध्ये महाराष्ट्राच्या राजकीय क्षेत्रात आजतागायत अनेकांवर आरोप झाले. त्या आरोपांचे पुरावे माध्यमांनी सबंध महाराष्ट्राला दाखवले व आरोप करणाऱ्यांनीही पुराव्यानिशी आरोप केले. मात्र आज 28 दिवस होत आहेत, माझ्यावर व माझ्या परिवारावर बेछूट व कपोलकल्पित आरोप हे फक्त हेतूपुरस्सर व बदनाम करण्यासाठी होत आहेत, हे वेळोवेळी समोर येत आहे. याबाबतीत आरोप करणाऱ्यांनी ना पुरावे दिले ना प्रसार माध्यमांनी ते मागितले, असं रुपाली चाकणकर म्हणाल्या. (Rupali Chakankar On Ashok Kharat)
निनावी पत्र माध्यमांकडे सुपूर्त करून चर्चासत्र घडवून आणले- रुपाली चाकणकर (Rupali Chakankar On Ashok Kharat Case)
निनावी पत्राबाबत जे कोणी आरोप करणारे आहेत त्यांनी सांगावे की ते पत्र त्यांच्यापर्यंत कसे आले? कोणतीही शहानिशा न करता केवळ आणि केवळ बदनामीचा कुटील डाव साध्य करण्यासाठी, पोलीस प्रशासनाला प्राप्त झालेलं एक निनावी पत्र माध्यमांकडे सुपूर्त करून दिवसभर चर्चासत्र घडवून आणले गेले ,हे घडवून आणण्यामागे कुणाचे “सौजन्य “होते हे समोर आले पाहिजे. बीडचे पोलीस अधीक्षक नवनीत कॉवत यांनीही ज्या पत्रावर नाव व पत्ता नाही अशा निनावी पत्राला कायदेशीरदृष्ट्या काहीही अर्थ नसल्याने महत्त्व देता येत नाही,हे माध्यमांसमोर येत स्पष्ट केले आहे . तरीही, खोडसाळपणा करण्यासाठी हे पत्र कोणी लिहिले,कुठून आले याची चौकशी झालीच पाहिजे, असं रुपाली चाकणकर म्हणाल्या.
शेवटी सत्य प्रखरतेने समोर येईलच- रुपाली चाकणकर (Rupali Chakankar On Ashok Kharat Case)
एक नवा चुकीचा पायंडा पाडला जात आहे.केवळ तर्कवितर्क,अंदाज, सुरस कथा आणि रंजक अफवा यांच्या आधारावर मला व माझ्या परिवाराला मानसिक त्रास दिला जातोय,बदनाम केले जात आहे,हे अत्यंत खेदजनक आहे.मी पहिल्या दिवसापासून माझी ठाम आणि स्पष्टपणाने भूमिका मांडत आले आहे.खरात प्रकरणात कोणत्याही आर्थिक व्यवहारात,जमीन व्यवहारात व इतर कोणत्याही दुष्कृत्यात दुरान्वये आमचा संबंध नाही. शेवटी सत्य प्रखरतेने समोर येईलच,हा माझा दृढ विश्वास आहे. तरीही गेले काही दिवस प्रसारमाध्यमांमधून माझ्याविरोधी एकतर्फी येणाऱ्या बातम्या यावर मी प्रतिक्रिया किंवा कोणतेही स्पष्टीकरण दिले नाही कारण SIT चौकशी करत असलेल्या तपास यंत्रणेला निष्पक्षपणे चौकशी करता यावी हाच हेतू आहे.
महाराष्ट्राच्या राजकीय क्षेत्रात आजतागायत अनेकांवर आरोप झाले,त्या आरोपांचे पुरावे माध्यमांनी सबंध महाराष्ट्राला दाखवले व आरोप करणाऱ्यांनीही पुराव्यानिशी आरोप केले.मात्र आज 28 दिवस होत आहेत, माझ्यावर व माझ्या परिवारावर बेछूट व कपोलकल्पित आरोप हे फक्त हेतूपुरस्सर व बदनाम करण्यासाठी…
— Rupali Chakankar (@ChakankarSpeaks) April 14, 2026
अशोक खरातला 18 एप्रिलपर्यंत पोलीस कोठडी- (Ashok Kharat Case)
अशोक खरात याला 5 दिवसांची पोलीस कोठडी सुनावण्यात आली आहे. आता अशोक खरात 18 एप्रिलपर्यंत पोलीस कोठडीत असणार आहे. अशोक खरातला आज चौथ्या गुन्ह्यासाठी नाशिक सत्र न्यायालयात VC द्वारे हजर करण्यात आले होते. सुनावणीदरम्यान अशोक खरात एक शब्दही बोलला नाही. त्याला तपास अधिकाऱ्यांनी पाच दिवसांची मागितलेली पोलीस कोठडी न्यायालयाने मान्य केली.
फरार कल्पना खरातची आई पार्वती शिंदेंचे अनेक मोठे खुलासे, VIDEO:
संबंधित बातमी:
महत्त्वाच्या बातम्या
