Pune Crime : धक्कादायक ! 11 वर्षीय मुलीवर बलात्कार; गर्भवती राहिल्यानंतर प्रकार उघडकीस

Pune Crime : पुण्यात एका नराधमाने 11 वर्षीय मुलीवर बलात्कार केल्याची घटना उघडकीस आली आहे. पोलिसांनी आरोपीला अटक केली आहे.

Pune Crime : धक्कादायक ! 11 वर्षीय मुलीवर बलात्कार; गर्भवती राहिल्यानंतर प्रकार उघडकीस

Pune Crime : एका नराधमाने 11 वर्षीय मुलीवर वारंवार बलात्कार केला असल्याची धक्कादायक घटना उघडकीस आली आहे. पुण्यातील लोणी काळभोर पोलीस स्टेशनच्या हद्दीतील अकरा वर्षीय अल्पवयीन मुलीवर एका नराधमाने वारंवार बलात्कार केला. या सर्व प्रकारानंतर पीडित मुलगी गर्भवती राहिली. त्यानंतर हा सर्व प्रकार उघडकीस आला. या प्रकरणी सोनू उर्फ सिद्राम ज्ञानेश्वर भालेराव (वय 25) याला पोलिसांनी अटक केली आहे. 

पीडित मुलीचे कुटुंब हे मूळचे उस्मानाबाद जिल्ह्यातील रहिवासी आहे. आई-वडील आणि बहिण भावासह ती लोणी काळभोर परिसरात राहते. वडील मोलमजुरी करतात तर आई घरकाम करून चरितार्थ चालवत. दरम्यान काही दिवसांपूर्वी त्या मुलीचा पोटात दुखत होते त्यामुळे तिला डॉक्टरांकडे नेले असता ती चार महिन्यांची गर्भवती असल्याचे उघडकीस आले. 

त्यानंतर तिची विचारपूस केली असता हा सर्व धक्कादायक प्रकार उघडकीस आला. आरोपी सिद्धाराम भालेराव हा पीडित मुलीच्या कुटुंबीयांचा ओळखीचा आहे. त्यामुळे त्याचे घरी येणे-जाणे होते.  एके दिवशी अल्पवयीन तरुणी घरी भांडी घासत असताना आरोपीने तिच्या हाताला धरून बाथरूममध्ये ओढत नेले आणि रुमालाने तोंड बांधून बलात्कार केला. आरोपीने या अल्पवयीन मुलीवर तीन ते चार वेळेस बलात्कार केला. पोलिसांनी या प्रकरणी गुन्हा दाखल केला असून आरोपीला अटक केली आहे.

या घटनेने पुण्यात खळबळ उडाली आहे. या प्रकरणी पोलीस अधिक तपास करत असून आरोपीवर कठोर कारवाई करण्याची मागणी होत आहे. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha